سورۃ البقرہ 2:286 البقرة

286- اللہ تعالیٰ کسی جان کو اس کی طاقت سے بڑھ کراعمال کا مکلف (پابند) نہیں ٹھہراتا کیونکہ اللہ کا دین آسانی پر مبنی ہے، اس میں مشقت نہیں، چنانچہ جس نے نیکی کی، اسے اس کا پورا ثواب ملے گا، اس میں کوئی کمی نہیں ہو گی اور جس نے کوئی برائی کی تو اسے بھی اپنے گناہ کی سزا خود بھگتنا ہو گی، کوئی دوسرا اس کا بوجھ نہیں اٹھائے گا۔ رسول اللہ صلى اللہ عليہ وسلم اور اہلِ ایمان یوں دعا کرتے ہیں: اے ہمارے رب! اگر ہم بھول جائیں یا غیر ارادی طورپر کسی قول و فعل میں غلطی کر لیں تو ہمیں سزا نہ دینا۔ اے پروردگار! ہمیں کسی ایسے عمل کا مکلف نہ ٹھہرانا جو ہمارے لیے مشقت کا باعث ہو اور ہم اسے کرنے کی طاقت نہ رکھتے ہوں، جیسے تونے ہم سے پہلے لوگوں کو مکلف ٹھہرایا جنھیں تو نے ان کے ظلم کی بنا پر سزا دی، جیسے یہود۔ ہم پر اوامر و نواہی کا ایسا بوجھ نہ ڈال جو ہمیں مشقت میں ڈال دے اور ہم وہ کرنے کی طاقت ہی نہ رکھیں اور ہمارے گناہوں سے درگزر کر، ہمیں بخش دے اور اپنے فضل سے ہم پر رحم فرما۔ تو ہی ہمارا ولی اور مددگار ہے، لہٰذا کافروں کے خلاف ہماری مدد فرما۔