Surja El-Ahzab 33:40 الأحزاب

Muhamedi nuk është babai biologjik i asnjërit prej burrave në mesin tuaj, o njerëz, prandaj Zejdi nuk është biri i tij, që ai të mos martohet me ish gruan e tij pasi e ka ndarë atë. Kjo është e Vërteta dhe Allahu e flet vetëm të Vërtetën. Ai nuk u martua me dëshirën e vet me të, por sepse ai është i Dërguari i Allahut për të gjithë popujt e për gjithë njerëzimin deri në Ditën e Gjykimit dhe sepse ai është vula (përmbyllja) e gjithë të dërguarve, pas të cilit nuk do të ketë më asnjë të dërguar që do të vijë me shpallje apo ligje për njerëzit. Kështu që ligji i tij (Kurani) dhe shembulli i tij (Suneti profetik) do të jenë për të gjitha nevojat që ju do t’i keni deri në Ditën e Gjykimit, pasi kjo është dije prej Allahut. Allahu është i Gjithëdijshëm për çdo gjë që ju urdhëron e ju porosit nëpërmjet tij, ashtu sikurse dijes së Tij nuk mund t’i fshihet asgjë prej jush (as prej nevojave e as prej qëndrimeve tuaja).