Surja Junus 10:4 يونس

Vetëm tek Ai do të jetë kthimi juaj në Ditën e Gjykimit, në mënyrë që Ai t’ju japë atë që e meritoni për veprat tuaja. Allahu u dha njerëzve për këtë një Premtim të Vërtetë që nuk e thyen. Ai është i Fuqishëm ta mbajë këtë premtim, pasi është Ai që e fillon krijesën pa shembull të mëparshëm. Pastaj, Ai ka për ta ringjallur pas vdekjes së saj, në mënyrë që t’i shpërblejë me drejtësi ata që besuan Allahun dhe bënë vepra të mira, duke mos ua pakësuar mirësitë dhe duke mos ua shtuar të këqijat. Sa u përket atyre që e mohuan Allahun dhe të Dërguarin e Tij, për ta do të ketë pije nga uji përvëlues në kulmin e nxehtësisë, i cili do t’ua shkrijë zorrët. Aty do të kenë një dënim të tmerrshëm, për shkak të mohimit që i bënë Allahut dhe të Dërguarit të Tij.