Surja El-Ankebut 29:46 العنكبوت

Ndërsa ndjekësve të Librit të mëparshëm ( o besimtarë)– mos u flisni ndryshe, përveçse me mirësi dhe mënyrën më të bukur, përjashtuar ata që janë keqbërës nga mesi i tyre, që tregohen kokëfortë dhe arrogantë si dhe ju kanë shpallur luftë publikisht. Të tillët luftojini deri sa të pranojnë Islamin ose të japin xhizjen (pagesë për sigurinë e tyre) me duart e tyre, të mposhtur dhe të thyer. Dhe thuajuni: “Ne, sikurse edhe ju që u besuat Librave tuaj, edhe ne i besuam asaj që na është shpallur neve (kur na u dërgua Muhamedi), por ne i besojmë edhe asaj që ju është shpallur juve më parë (nëse ato nuk kanë ndryshuar nga dora e keqbërësve në mesin tuaj). Zoti ynë, të Cilit ne i besojmë (e thërrasim për tek Ai) dhe Zoti juaj në të Cilin ju besoni (se e pati dërguar Nuhun, Ibrahimin, Musain, Davudin dhe Isain) është i njëjti Zot. Ai nuk ka asnjë të barabartë, qoftë në Shenjtërinë e Tij e qoftë në Pushtetin e Tij zotërues, pasi Ai është i Ploti (e nëse thuhet se Atë e plotëson diçka tjetër, është mohim i së Vërtetës së Tij). Ndaj ne vetëm Atij i nënshtrohemi e i përulemi”.