Surja El-A'raf 7:146 الأعراف

Do t’i pengoj që të nxjerrin mësime prej argumenteve të Mia në horizont dhe që të kuptojnë argumentet e Librit Tim të gjithë ata që u madhështohen padrejtësisht robërve të Mi dhe së vërtetës. Ata edhe nëse do t’i shikonin të gjitha argumentet, përsëri nuk do t’u besonin atyre, për shkak të refuzimit ndaj tyre dhe për shkak të kundërshtimit që ata i bëjnë Allahut dhe të Dërguarit të Tij. Njerëz të tillë, nëse e shohin Rrugën e Vërtetë që të çon tek kënaqësia e Allahut, nuk e ndjekin atë e as nuk janë të interesuar për të. Por nëse shohin rrugën e së kotës dhe të humbjes, e cila të çon për tek zemërimi i Allahut, ata e ndjekin. Kjo shmangie prej së Vërtetës është për shkak të mohimit që ua bënë fakteve madhështore të Allahut, treguese të Vërtetësisë së shpalljeve që sollën të dërguarit, si dhe për shkak të mosvëmendjes së tyre në vështrimin e fakteve.