Surja El-A'raf 7:155 الأعراف

Pastaj Musai zgjodhi shtatëdhjetë burra prej më të mirëve nga populli i vet, në mënyrë që t’i kërkonin ndjesë Zotit të tyre, për atë që kishin bërë injorantët e tyre me adhurimin e viçit. Allahu u caktoi atyre kohën dhe vendtakimin ku do të paraqiteshin. Kur u paraqitën, morën guximin ndaj Allahut dhe i kërkuan Musait që t’ua tregonte Allahun haptazi. Kështu ata i përfshiu një tërmet dhe ranë pa ndjenja prej fuqisë së Tij e u shkatërruan. Pastaj, Musai iu përgjërua Zotit të vet, duke i thënë: “O Zot, po të kishe dashur që t’i shkatërroje ata dhe mua bashkë me ta, para ardhjes së tyre këtu, do t’i kishe shkatërruar! A po na shkatërron për shkak të asaj që bënë mendjelehtët nga mesi ynë?! Ajo që bëri populli im, duke adhuruar viçin, ishte një sprovë, me të cilën Ti devijon kë të duash dhe udhëzon kë të duash. Ti je Kujdestari i çështjeve tona, prandaj na i fal gjynahet tona e na përfshi në mëshirën Tënde të gjerë, pasi Ti je më i miri Gjynahfalës!”