Surja El-A'raf 7:160 الأعراف

Pastaj Ne i ndamë bijtë e Izraelit në dymbëdhjetë fise dhe, kur populli i tij i kërkoi që ta luste Allahun që t’u lëshonte shi, i shpallëm Musait: “Godite shkëmbin, o Musa, me shkopin tënd. Kur Musai e goditi, prej tij shpërthyen dymbëdhjetë burime, sa ç’ishte edhe numri i fiseve të tyre, ku secili fis e dinte se ku e kishte vendin e përcaktuar për ta, duke mos u përzier me fiset e tjera. Gjithashtu, iu mundësuam për hije disa re të lehta, që i shoqëronin gjatë udhëtimit të tyre (në shkretëtirë) dhe që ndalonin kur ata ndaleshin. Ne u zbritëm prej mirësisë Tonë lëng të pijshëm të ëmbël si mjalti, si dhe zogj të vegjël me mish të mirë, që përngjanin me shkurtëzën (apo thëllëzën), duke u thënë: “Hani nga këto mirësi me të cilat ju furnizuam Ne.” Ata nuk na pakësuan asgjë me ato gjëra që vepronin, duke u treguar keqbërës, mosmirënjohës, si dhe mosvlerësues të mirësive, ashtu siç ato e meritonin të vlerësoheshin, por ata u bënë keq vetes me privimin prej mirësive, kur shfaqën ato vepra shkatërrimtare, të cilat i bënin duke kundërshtuar urdhrat e Allahut dhe duke i shpërfillur mirësitë e Tij.