Surja El-Haxh 22:78 الحج

Luftoni me sinqeritet në mbrojtje të Rrugës së Allahut dhe për të fituar kënaqësinë e Tij, sepse ju jeni të zgjedhurit e Tij. Ai e bëri fenë tuaj të lehtë, pa shtrëngesa e vrazhdësi. Ajo është feja e babait tuaj (në monoteizëm), Ibrahimit. Allahu ju ka quajtur muslimanë (të nënshtruar ndaj Tij) në Librat e mëparshëm dhe në këtë Kuran, në mënyrë që i Dërguari të jetë dëshmitar mbi ju, që jua ka sjellë fenë të cilën qe urdhëruar ta përcillte. Pastaj ju të jeni dëshmitarë mbi të gjithë popujt e mëparshëm, se të dërguarit e tyre ua patën përcjellë atyre (monoteizmin e pastër). Prandaj, falënderojeni Allahun për këtë mirësi, duke e falur namazin në formën më të plotë e duke e dhënë zekatin e pasurisë suaj. Kthehuni tek Allahu dhe mbështetuni vetëm tek Ai në të gjitha çështjet e jetës suaj, sepse i Lartmadhërishmi është Kujdestari më i mirë, për atë që kërkon mbrojtjen e Tij dhe Ndihmuesi më i mirë, për atë që kërkon ndihmën e Tij. Kështu që, vetëm Atij kërkojini mbrojtje, që t’ju mbrojë dhe vetëm Atij kërkojini ndihmë, që t’ju ndihmojë.