Surja El-Kehf 18:29 الكهف

Thuaju, o i Dërguar, indiferentëve të tillë ndaj përkujtimit të Allahut, për shkak të shkujdesjes së zemrave të tyre: “Ajo me të cilën unë ju kam ardhur është e Vërteta, që është prej Allahut dhe jo prej meje, kështu që unë nuk kam për t’ju përgjigjur asaj që ju po më thërrisni, pra, për të përzënë besimtarët. Ai që dëshiron të besojë në këtë të Vërtetë, le të besojë në të, pasi ka për t’iu gëzuar shpërblimit prej saj, ndërsa ai që dëshiron ta mohojë atë, le ta mohojë, pasi ka për t’u tronditur prej ndëshkimit, i cili është duke e pritur. Ne u kemi përgatitur atyre që i bëjnë keq vetvetes, me bërjen kufër (mohimin e kësaj të Vërtete), një Zjarr të madh, rrethimi i të cilit do t’i mbulojë të gjithë dhe askush nuk do të mund të arratiset prej tij. Kur të kërkojnë ujë për të shuar etjen, do t’u ofrohet një lëng si vaj i zi, në kulmin e nxehtësisë, me të cilin kanë për t’iu shkrirë fytyrat. Sa e shëmtuar do të jetë kjo pije që do t’u jepet atyre, pasi ajo nuk ua largon etjen, por përkundrazi ua shton atë dhe as nuk ua shuan flakën, e cila ua përcëllon lëkurat e tyre! Sa i shëmtuar do të jetë ai vend, në të cilin ata do të jenë, pra, ai Zjarr!