Surja En-Nahl 16:92 النحل

Dhe mos u bëni mendjelehtë e të cekët për t’i shkelur marrëveshjet që i keni lidhur, si ajo gruaja budallaqe, e cila pasi u lodh duke e tjerr leshin apo pambukun që kishte dhe kur endja e saj përfundoi, ajo e prishi atë, duke e shpërbërë ashtu siç kishte qenë para se të punohej. Ajo u lodh edhe kur e endi edhe kur e prishi endjen, e nuk e realizoi atë që kërkonte. Kështu edhe ju, përpiqeni që t’i bëni betimet tuaja (të besueshme vetëm) për të gënjyer njëri-tjetrin me to, që pala juaj të jetë më shumë dhe më e fortë se pala e armiqve tuaj. Por, në të vërtetë Allahu vë në provë besnikërinë nëpërmjet marrëveshjeve, se a do t’u përmbaheni atyre apo do t’i shkelni? Ai ka për t’ua sqaruar në Ditën e Gjykimit atë për të cilën ju ishit në mospajtime gjatë jetës së kësaj bote, duke nxjerrë atë që kishte qenë në të drejtë dhe atë që kishte qenë në të kotë, si dhe atë që ishte i sinqertë e atë që ishte gënjeshtar.