Surja En-Nisa 4:9 النساء

Kujdestarët le të tregohen të kujdesshëm me jetimët, ashtu siç do të donin të bëhej, nëse do të vdisnin dhe do të linin pas vetes pasardhës në moshë të vogël e të dobët, për të cilët kanë frikë se mos humbin. Pra le t’i frikësohen Allahut në lidhje me të drejtat e atyre që kanë nën kujdestari, siç janë jetimët e të mos u bëjnë atyre padrejtësi (e t’i dëmtojnë). Kështu, që edhe Allahu, kur ata vetë të vdesin, t’u mundësojë një kujdestar bamirës për fëmijët e tyre, ashtu siç ishin këta bamirës ndaj tyre (jetimëve që patën nën përkujdesje). Le të kenë mirësinë t'u thonë fjalë të mira fëmijëve të tyre që janë të pranishëm gjatë lënies së testamentit -fjalë që përputhen me të Vërtetën, që të mos u bëjnë padrejtësi trashëgimtarëve të tjerë në të drejtën që u lind nga testamenti e as të mos e privojnë vetveten prej mirësisë, duke mos lënë testament.