Surja En-Nur 24:33 النور

Pasi Allahu i urdhëroi besimtarët që t’i martojnë ata që nuk janë të martuar, i urdhëroi këta të fundit që të tregohen të ndershëm e ta frenojnë veten nëse nuk gjejnë me çfarë të martohen e të lidhin martesën, duke thënë:

Ata që nuk kanë mundësi të martohen, për shkak të varfërisë së tyre, le të tregojnë ndershmëri e ta frenojnë veten që të mos bien në imoralitet, derisa Allahu t’u japë prej mirësisë së Vet të gjerë. Nëse dikush prej robërve apo robëreshave kërkon prej zotërinjve të tyre që t’u shkruhet marrëveshja për ta liruar veten, atëherë zotërinjtë e tyre duhet ta pranojnë këtë, nëse shikojnë në ta aftësi për ta plotësuar marrëveshjen dhe devotshmëri në fe! Përveç kësaj, ata duhet që t’u japin prej pasurisë që u ka falur Allahu, për t’i ndihmuar robërit, duke ua zvogëluar shumën e kërkuar në marrëveshje. Mos i detyroni robëreshat tuaja për të kryer imoralitet, që të fitoni para. Nëse dikush i detyron forcërisht ato për të kryer prostitucion, Allahu do t’i falë, sepse ato qenë të detyruara për këtë dhe mëkati do të bjerë mbi atë që i ka detyruar.