Surja En-Nur 24:63 النور

O besimtarë, nderojeni të Dërguarin e Allahut! Kur t’i drejtoheni atij, mos e thërrisni në emër, siç thërrisni njëri-tjetrin! Mos i thoni “O Muhamed!” ose “O i biri i Abdullahut!”, në emrin e babait të tij, por thirreni: “O i Dërguari i Allahut!” ose “O Profet i Allahut!”. Nëse ai ju thërret për ndonjë çështje që ka të bëjë me interesin e të gjithëve, mos e konsideroni fjalën e tij si ftesa që i bëni njëri-tjetrit për gjëra të zakonshme! Por nxitoni që t’i përgjigjeni asaj, pasi Allahu i njeh shumë mirë ata që i shmangen e i largohen fshehurazi atij, pa i marrë leje. Prandaj, le të kenë kujdes dhe të ruhen ata që e kundërshtojnë vendimin e të Dërguarit, në mënyrë që Allahu të mos i godasë me ndonjë sprovë ose t’i ndëshkojë me ndonjë dënim të dhembshëm, që nuk do të mund ta durojnë.