Surja Esh-Shura 42:23 الشورى

Me këtë shpërblim, Allahu, nëpërmjet të Dërguarit të Vet – Muhamedit, i përgëzon robërit e Vet. Ata që e besuan Allahun si Një të Vetëm e të Vërtetë, i besuan të gjithë të dërguarit e Tij (pa përjashtuar asnjërin prej tyre, veçanërisht të Dërguarin e fundit – Muhamedin) dhe bënë vepra të devotshme, me kryerjen e adhurimeve të kërkuara, për të fituar kënaqësinë e Tij. Thuaju (o i Dërguar) të tillëve: “Unë, për përcjelljen e këtij udhëzimi, nuk kërkoj prej jush asnjë shpërblim, përveç një shpërblimi të vetëm e që është në dobinë tuaj: dashuria për të afërmit!” E, kushdo që, përveç këtyre shton çfarëdolloj vepre tjetër të mirë, duke dëshiruar me të Kënaqësinë e Allahut, Ne kemi për t’ia shtuar atij mirësinë dhe shpërblimin edhe më shumë se ajo që ka bërë. (Ne) do ta shpërblejmë të mirën e tij nga dhjetëfish, deri në shtatëqindfish, në varësi të sinqeritetit e përpjekjeve të tij. Ai me të vërtetë është Gjynahfalës, që ia fal gabimet e gjynahet e kaluara kujtdo që pendohet e përmirësohet, ashtu siç është Mirënjohës ndaj kujtdo që bën të mira në emër të Tij.