Surja Fatir 35:18 فاطر

Atë ditë, asnjeri nuk ka për të bartur gjynahet e tjetrit. Përkundrazi, secili njeri do të gjykohet vetëm për gjynahet e veta. Edhe nëse bartësi i gjynaheve do thërrasë që t’i merren disa prej gjynaheve të tij, atij nuk do t’i hiqet asgjë, madje edhe nëse i thirruri do të ishte i afërti i tij. Ti, o i Dërguar, nuk mund t’ua tërheqësh vërejtjen e as t’i frikësosh prej dënimit të Allahut ata që nuk e besojnë as Zotin e as Ditën e Gjykimit. Ti mund t’ua tërheqësh vërejtjen prej dënimit të Allahut vetëm atyre që i druhen Zotit të tyre, veçanërisht në fshehtësi, si dhe që e kryejnë namazin në formën më të përkryer, pasi vetëm atyre u bën dobi tërheqja e vërejtjes. E kush e pastron shpirtin e vet prej gjynaheve (veçanërisht idhujtarisë), ai në të vërtetë e ka pastruar atë në dobi të vetes së vet, pasi dobia e kësaj do të jetë vetëm për të. Në Ditën e Gjykimit kthimi është vetëm tek Allahu për t’u shpërblyer e për të dhënë llogari.