Surja Fatir 35:37 فاطر

Në të, ata do të ulërasin me sa fuqi që kanë dhe do të përgjërohen duke thënë: “O Zoti ynë! Na nxirr prej Zjarrit të Xhehenemit që të bëjmë vepra të mira, ndryshe nga ato që kemi bërë në jetën e dynjasë, në mënyrë që ta fitojmë kënaqësinë Tënde dhe të shpëtojmë prej dënimit Tënd”. Allahu u përgjigjet: “Vallë, a nuk ju patëm dhënë jetë të mjaftueshme, aq sa, në mesin tuaj të kishte të tillë që të mendonin e thelloheshin rreth argumenteve e fakteve, të Madhështisë, Fuqisë, Dijes e Kujdesit Tim ndaj jush? A nuk u kujtua ai që deshi të kujtohej, ndërkohë që juve ju erdhi edhe i Dërguari si një paralajmërues i dënimit të Allahut, në mënyrë që ju të pendoheshit e të bënit vepra të mira?! Prandaj, nuk ka argument që mund t’ju justifikojë juve sot, kështu që shijojeni dënimin e Zjarrit të Xhehenemit, pasi sot nuk ka për të pasur asnjë ndihmës që do të mund t’i shpëtojë mohuesit prej ndëshkimit të Allahut!