Surja Hud 11:12 هود

Ndoshta ti, o i Dërguar, për shkak të asaj me të cilën ti je përballur prej tyre - mohimit, kryeneçësisë dhe sugjerimeve të tyre në lidhje me mrekullitë – dëshiron ta lësh përcjelljen e ndonjë pjese të mesazhit me të cilin Allahu të ka urdhëruar, për gjëra që atyre u duken të vështira për t’i bërë, si dhe ndoshta kraharori yt ka për t’u ngushtuar, prej përcjelljes së saj, në mënyrë që ata të mos thonë: -“E përse nuk i zbret atij ndonjë thesar që ta pasurojë, apo bashkë me të të vinte edhe ndonjë engjëll, që ta vërtetonte?!” Por ti kurrsesi mos lër ndonjë gjë prej asaj që të është shpallur për shkak të kësaj, pasi ti je vetëm paralajmërues, që përcjell vetëm atë që Allahu të ka urdhëruar, pasi nuk je ti përgjegjës që t’ua sjellësh ato mrekulli që ata i sugjerojnë. Është Allahu Mbrojtësi i çdo gjëje.