En-Naziat النازعات · Minshawi (Murattal)

وَٱلنَّٰزِعَٰتِ غَرۡقٗا ۝١

Për ata (engjëj) që marrin me forcë,³⁸⁹

وَٱلنَّٰشِطَٰتِ نَشۡطٗا ۝٢

për ata që marrin butësisht,³⁹⁰

وَٱلسَّٰبِحَٰتِ سَبۡحٗا ۝٣

për ata që notojnë në hapësirë,

فَٱلسَّٰبِقَٰتِ سَبۡقٗا ۝٤

për ata që nxitojnë,³⁹¹

فَٱلۡمُدَبِّرَٰتِ أَمۡرٗا ۝٥

dhe për ata që i rregullojnë punët!³⁹²

يَوۡمَ تَرۡجُفُ ٱلرَّاجِفَةُ ۝٦

Ditën kur do të dridhet gjithçka nga ushtima (që lajmëron Kiametin),

تَتۡبَعُهَا ٱلرَّادِفَةُ ۝٧

e cila do ta ndiqet nga një e dytë,

قُلُوبٞ يَوۡمَئِذٖ وَاجِفَةٌ ۝٨

disa zemra do të jenë të mbushura me tmerr

أَبۡصَٰرُهَا خَٰشِعَةٞ ۝٩

e shikimet e tyre do të bien përdhe.

يَقُولُونَ أَءِنَّا لَمَرۡدُودُونَ فِي ٱلۡحَافِرَةِ ۝١٠

Ata thonë: “Vallë, vërtet do të rikthehemi në jetë?!

أَءِذَا كُنَّا عِظَٰمٗا نَّخِرَةٗ ۝١١

A thua, edhe kur të bëhemi eshtra të thërrmuara?!”

قَالُواْ تِلۡكَ إِذٗا كَرَّةٌ خَاسِرَةٞ ۝١٢

Dhe thonë: “Po qe kështu, atëherë ky kthim do të jetë humbje (për ne)!”

فَإِنَّمَا هِيَ زَجۡرَةٞ وَٰحِدَةٞ ۝١٣

Por, ajo do të jetë veç një fryrje e vetme (e Surit)

فَإِذَا هُم بِٱلسَّاهِرَةِ ۝١٤

dhe ata përnjëherësh do të brofin (të ringjallur).

هَلۡ أَتَىٰكَ حَدِيثُ مُوسَىٰٓ ۝١٥

A e ke dëgjuar (o Muhamed) historinë e Musait?

إِذۡ نَادَىٰهُ رَبُّهُۥ بِٱلۡوَادِ ٱلۡمُقَدَّسِ طُوًى ۝١٦

Zoti i tij e thirri në luginën e shenjtë të Tuvas dhe i tha:

ٱذۡهَبۡ إِلَىٰ فِرۡعَوۡنَ إِنَّهُۥ طَغَىٰ ۝١٧

“Shko te Faraoni, se ai, me të vërtetë, ka kaluar çdo kufi;

فَقُلۡ هَل لَّكَ إِلَىٰٓ أَن تَزَكَّىٰ ۝١٨

dhe thuaji: “A do ta pastrosh veten,

وَأَهۡدِيَكَ إِلَىٰ رَبِّكَ فَتَخۡشَىٰ ۝١٩

dhe të të udhëzoj te Zoti yt, që t’i frikësohesh?”

فَأَرَىٰهُ ٱلۡأٓيَةَ ٱلۡكُبۡرَىٰ ۝٢٠

Musai ia tregoi mrekullinë më të madhe,

فَكَذَّبَ وَعَصَىٰ ۝٢١

por ai (Faraoni) e mohoi dhe e kundërshtoi.

ثُمَّ أَدۡبَرَ يَسۡعَىٰ ۝٢٢

Pastaj i ktheu shpinën, duke u përpjekur (kundër së vërtetës)

فَحَشَرَ فَنَادَىٰ ۝٢٣

dhe tuboi njerëzit e u deklaroi:

فَقَالَ أَنَا۠ رَبُّكُمُ ٱلۡأَعۡلَىٰ ۝٢٤

“Unë jam zoti juaj më i lartë!”

فَأَخَذَهُ ٱللَّهُ نَكَالَ ٱلۡأٓخِرَةِ وَٱلۡأُولَىٰٓ ۝٢٥

Prandaj Allahu e goditi atë me dënim në jetën tjetër dhe në këtë jetë.

إِنَّ فِي ذَٰلِكَ لَعِبۡرَةٗ لِّمَن يَخۡشَىٰٓ ۝٢٦

Kjo është këshillë për ata që i frikësohen Allahut.

ءَأَنتُمۡ أَشَدُّ خَلۡقًا أَمِ ٱلسَّمَآءُۚ بَنَىٰهَا ۝٢٧

Cili është më i vështirë: krijimi i juaj apo i qiellit, të cilin Ai e ndërtoi,

رَفَعَ سَمۡكَهَا فَسَوَّىٰهَا ۝٢٨

ia ngriti lart kupën dhe e përsosi.

وَأَغۡطَشَ لَيۡلَهَا وَأَخۡرَجَ ضُحَىٰهَا ۝٢٩

Netët i bëri të errëta, kurse ditët të ndritshme.

وَٱلۡأَرۡضَ بَعۡدَ ذَٰلِكَ دَحَىٰهَآ ۝٣٠

Pastaj e shtriu rrafsh Tokën,

أَخۡرَجَ مِنۡهَا مَآءَهَا وَمَرۡعَىٰهَا ۝٣١

dhe, nga ajo nxori ujërat dhe bëri kullotat,

وَٱلۡجِبَالَ أَرۡسَىٰهَا ۝٣٢

kurse malet i bëri të patundshme,

مَتَٰعٗا لَّكُمۡ وَلِأَنۡعَٰمِكُمۡ ۝٣٣

që t’i gëzoni ju dhe bagëtitë tuaja.

فَإِذَا جَآءَتِ ٱلطَّآمَّةُ ٱلۡكُبۡرَىٰ ۝٣٤

Kur të arrijë gjëma më e madhe,

يَوۡمَ يَتَذَكَّرُ ٱلۡإِنسَٰنُ مَا سَعَىٰ ۝٣٥

atë Ditë njeriu do të kujtojë gjithçka që ka bërë

وَبُرِّزَتِ ٱلۡجَحِيمُ لِمَن يَرَىٰ ۝٣٦

dhe Zjarri flakërues do t’i tregohet çdokujt që sheh.

فَأَمَّا مَن طَغَىٰ ۝٣٧

Atëherë, ai që ka shkelur gjithçka

وَءَاثَرَ ٱلۡحَيَوٰةَ ٱلدُّنۡيَا ۝٣٨

dhe ka parapëlqyer jetën e kësaj bote,

فَإِنَّ ٱلۡجَحِيمَ هِيَ ٱلۡمَأۡوَىٰ ۝٣٩

sigurisht që do të ketë për strehë Xhehenemin.

وَأَمَّا مَنۡ خَافَ مَقَامَ رَبِّهِۦ وَنَهَى ٱلنَّفۡسَ عَنِ ٱلۡهَوَىٰ ۝٤٠

Kurse ai që i është frikësuar madhërisë së Zotit të tij dhe e ka frenuar veten nga dëshirat,

فَإِنَّ ٱلۡجَنَّةَ هِيَ ٱلۡمَأۡوَىٰ ۝٤١

pa dyshim që do të ketë për strehë Xhenetin.

يَسۡـَٔلُونَكَ عَنِ ٱلسَّاعَةِ أَيَّانَ مُرۡسَىٰهَا ۝٤٢

Të pyesin ty për Orën (e Kiametit) se kur do të ndodhë.

فِيمَ أَنتَ مِن ذِكۡرَىٰهَآ ۝٤٣

Çfarë rëndësie ka për ty që ta përmendësh atë?

إِلَىٰ رَبِّكَ مُنتَهَىٰهَآ ۝٤٤

Tek Zoti yt është fundi i (dijenisë rreth) saj.

إِنَّمَآ أَنتَ مُنذِرُ مَن يَخۡشَىٰهَا ۝٤٥

Ti je vetëm paralajmërues i atyre që i frikësohen asaj.

كَأَنَّهُمۡ يَوۡمَ يَرَوۡنَهَا لَمۡ يَلۡبَثُوٓاْ إِلَّا عَشِيَّةً أَوۡ ضُحَىٰهَا ۝٤٦

Ditën kur do ta shohin atë, (njerëzve) do t’u duket se kanë qëndruar (në Tokë) veç një mbrëmje apo një mëngjes.