سورۃ النحل 16:76

76- اللہ سبحانہ و تعالیٰ نے ان کے رد میں ایک اور مثال بیان کی۔ وہ مثال دو آدمیوں کی ہے: ایک ان میں سے گونگا ہے جو اپنے گونگے پن اور بہرے پن کی وجہ سے کچھ سنتا ہے نہ بولتا ہے اور نہ سمجھتا ہے۔ وہ خود کو نفع پہنچا سکتا ہے نہ دوسروں کو۔ وہ اپنی کفالت کرنے والے اور اپنے ذمہ دار پرانتہائی بوجھ ہے۔ وہ اسے جہاں بھی بھیجتا ہے، تو وہ کوئی خیر نہیں لاتا اور نہ اپنے مقصد میں کامیاب ہوتا ہے۔ کیا اس شخص کا حال اس شخص جیسا ہے جس کے کان، زبان سب اعضاء ٹھیک ہوں۔ اس کا فیض ہر طرف عام ہو۔ وہ لوگوں کو عدل کا حکم دیتا ہو اور خود بھی سیدھا ہو اور جس راستے پر وہ گامزن ہو، وہ بھی بالکل واضح ہو اور اس میں کوئی کجی اور ٹیڑھ نہ ہو؟! اے مشرکو! تم صفاتِ جلال و کمال والے اللہ کواپنے ان بتوں کے برابر کیسے کر دیتے ہو جو سنتے ہیں نہ بولتے ہیں اور وہ نفع دے سکتے ہیں نہ تکلیف دور کر سکتے ہیں؟!