Surja En-Nahl 16:76 النحل

Allahu gjithashtu, si kundërpërgjigje ndaj tyre, solli edhe një tjetër shembull me dy persona: Njëri prej tyre është shurdhmemec, që as dëgjon, as flet e as kupton, i paaftë që t’i sjellë dobi qoftë vetes apo ndonjë tjetri, madje edhe ai vetë është një barrë e rëndë për atë që e ka nën përgjegjësi e që kujdeset për të, i cili kudo që ta dërgojë, asgjë nuk ka për ta bërë mirë, duke mos e kryer atë që i kërkohet. Tani, a mund të jetë e njëjtë gjendja e këtij, me atë që është shëndoshë e mirë, duke dëgjuar e folur dhe dobia e tij arrinë edhe tek të tjerët, duke urdhëruar për drejtësi, ndërkohë që edhe ai vet është në rrugën e Drejtë, në të cilën nuk gjendet asnjë manipulim e as devijim. Prandaj, si mundet që ju, o idhujtarë, Allahun, i Cili ka cilësitë e shenjta e absolute, ta barazoni me idhujt tuaj, që as nuk dëgjojnë, as nuk flasin dhe as nuk sjellin dobi e as dëm?!