سورۃ الم نشرح (الشرح) - پڑھیں اور سنیں، ترجمے کے ساتھ

دوسرا ترجمہ

سورۃ کے بارے میں

سورۃ الم نشرح قرآن مجید کی 114 سورتوں میں نمبر 94 پر ہے، یہ مکی ہے اور اس کی آیات کی تعداد 8 ہے۔ مدینہ مصحف (604 صفحات) میں یہ صفحہ 596 سے شروع ہوتی ہے۔

بِسۡمِ ٱللَّهِ ٱلرَّحۡمَٰنِ ٱلرَّحِيمِ

أَلَمۡ نَشۡرَحۡ لَكَ صَدۡرَكَ

کیا ہم نے تیرا سینہ نہیں کھول دیا.¹
مترجم کے حواشی (1)
1. 1 گزشتہ سورت میں تین انعامات کا ذکر تھا، اس سورت میں مزید تین احسانات جتلائے جا رہے ہیں۔ سینہ کھول دینا، ان میں پہلا ہے۔ اس کا مطلب ہے سینے کا منور اور فراخ ہو جانا، تاکہ حق واضح بھی ہو جائے اور دل میں سما بھی جائے۔ اسی مفہوم میں قرآن کریم کی یہ آیت فَمَنْ يُرِدِ اللَّهُ أَنْ يَهْدِيَهُ يَشْرَحْ صَدْرَهُ لِلإِسْلامِ (سورة الأنعام: 125 ) ”جس کو اللہ تعالیٰ ہدایت سے نوازنے کا ارادہ کرے۔ اس کا سینہ اسلام کے لئے کھول دیتا ہے“۔ یعنی وہ اسلام کو دین حق کے طور پرپہچان بھی لیتا ہے اور اسے قبول بھی کر لیتا ہے۔ اس شرح صدر میں وہ شق صدر بھی آجاتا ہے جو معتبر روایات کی رو سے دو مرتبہ نبی (صلى الله عليه وسلم) کا کیا گیا۔ ایک مرتبہ بچپن میں، جب کہ آپ (صلى الله عليه وسلم) عمر کے چوتھے سال میں تھے۔ حضرت جبرائیل (عليه السلام) آئے اور انہوں نے آپ (صلى الله عليه وسلم) کا دل چیرا اور اس سے وہ حصہ شیطانی نکال دیا جو ہر انسان کے اندر ہے، پھر اسے دھوکر بند کر دیا، ( صحيح مسلم، كتاب الإيمان، باب الإسراء) دوسری مرتبہ معراج کے موقعے پر۔ اس موقعے پر آپ (صلى الله عليه وسلم) کا سینہ مبارک چاک کرکے دل نکالا گیا، اسے آپ زمزم سے دھوکر اپنی جگہ رکھ دیا گیااور اسےایمان وحکمت سے بھر دیا گیا۔ (صحيحين، أبواب المعراج وكتاب الصلاة) ۔
94:1
وَوَضَعۡنَا عَنكَ وِزۡرَكَ

اور تجھ پر سے تیرا بوجھ ہم نے اتار دیا.¹
مترجم کے حواشی (1)
1. 1 یہ بوجھ نبوت سے قبل چالیس سالہ دور زندگی سے متعلق ہے۔ اس دور میں اگرچہ اللہ نے آپ (صلى الله عليه وسلم) کو گناہوں سے محفوظ رکھا، کسی بت کے سامنے آپ (صلى الله عليه وسلم) سجدہ ریز نہیں ہوئے، کبھی شراب نوشی نہیں کی اور بھی دیگر برائیوں سے دامن کش رہے، تاکہ معروف معنوں میں اللہ کی عبادت واطاعت کا نہ آپ (صلى الله عليه وسلم) کو علم تھا نہ آپ (صلى الله عليه وسلم) نے کی۔ اس لئے آپ (صلى الله عليه وسلم) کے دل ودماغ پر اس چالیس سالہ عدم عبادت وعدم اطاعت کا بوجھ تھا، جو حقیقت میں تو نہیں تھا، لیکن آپ (صلى الله عليه وسلم) کے احساس وشعور نے اسے بوجھ بنا رکھا تھا۔ اللہ نے اسے اتار دینے کا اعلان فرما کر آپ (صلى الله عليه وسلم) پر احسان فرمایا۔ یہ گویا وہی مفہوم ہے جو لِيَغْفِرَ لَكَ اللَّهُ مَا تَقَدَّمَ مِنْ ذَنْبِكَ وَمَا تَأَخَّرَ (سورة الفتح) کا ہے۔ بعض کہتے ہیں، یہ نبوت کا بوجھ تھا، جسے اللہ نے ہلکا کر دیا، یعنی اس راہ کی مشکلات برداشت کرنے کا حوصلہ اور تبلیغ ودعوت میں آسانیاں پیدا فرما دیں۔
94:2
ٱلَّذِيٓ أَنقَضَ ظَهۡرَكَ

جس نے تیری پیٹھ توڑ دی تھی.

94:3
وَرَفَعۡنَا لَكَ ذِكۡرَكَ

اور ہم نے تیرا ذکر بلند کر دیا.¹
مترجم کے حواشی (1)
1. 1 یعنی جہاں اللہ کا نام آتا ہے وہیں آپ (صلى الله عليه وسلم) کا نام بھی آتا ہے۔ مثلاً اذان، نماز اور دیگر بہت سے مقامات پر، گزشتہ کتابوں میں آپ (صلى الله عليه وسلم) کا تذکرہ اور صفات کی تفصیل ہے، فرشتوں میں آپ (صلى الله عليه وسلم) کا ذکر خیر ہے، آپ (صلى الله عليه وسلم) کی اطاعت کو اللہ نے اپنی اطاعت قرار دیا اور اپنی اطاعت کے ساتھ ساتھ آپ (صلى الله عليه وسلم) کی اطاعت کا بھی حکم دیا، وغیرہ ۔
94:4
فَإِنَّ مَعَ ٱلۡعُسۡرِ يُسۡرًا

پس یقیناً مشکل کے ساتھ آسانی ہے.

94:5
إِنَّ مَعَ ٱلۡعُسۡرِ يُسۡرٗا

بیشک مشکل کے ساتھ آسانی ہے.¹
مترجم کے حواشی (1)
1. 1 یہ آپ (صلى الله عليه وسلم) کے لئے اور صحابہ (رضي الله عنهم) کے لئے خوشخبری ہے کہ تم اسلام کی راہ میں جو تکلیفیں برداشت کر رہے ہو تو گھبرانے کی ضرورت نہیں ہے۔ اس کے بعد ہی اللہ تمہیں فراغت وآسانی سے نوازے گا۔ چنانچہ ایسا ہی ہوا، جسے ساری دنیا جانتی ہے۔
94:6
فَإِذَا فَرَغۡتَ فَٱنصَبۡ

پس جب تو فارغ ہو تو عبادت میں محنت کر.¹
مترجم کے حواشی (1)
1. 1 یعنی نماز سے، یا تبلیغ سے یا جہاد سے، تو دعا میں محنت کر، یا اتنی عبادت کر کہ تو تھک جائے۔
94:7
وَإِلَىٰ رَبِّكَ فَٱرۡغَب

اور اپنے پروردگار ہی کی طرف دل لگا.¹
مترجم کے حواشی (1)
1. 1 یعنی اسی سے جنت کی امید رکھ، اسی سے اپنی حاجتیں طلب کر اور تمام معاملات میں اسی پر اعتماد اور بھروسہ رکھ۔
94:8

التین

0/8

0 حسنات آج · 0 اس ڈیوائس پر کل

«جس نے اللہ کی کتاب کا ایک حرف پڑھا، اسے ایک نیکی ملتی ہے، اور ہر نیکی دس گنا بڑھا دی جاتی ہے۔» جامع ترمذی 2910. ایپ کے حروف کے اصول سے شمار؛ یہ ایک گنتی ہے، وعدہ نہیں۔

0 آج زیر التوا جواہر

آپ کی قرأت سے تخمینہ، ایپ کی روزانہ حد کے مطابق۔ جواہر Quran Habit ایپ میں کمائے اور وصول کیے جاتے ہیں۔

0:00 مشاري العفاسي الم نشرح 0:00 0:00

مصحف میں سورۃ الم نشرح

نزول: مکی
پارہ: 30
الفاظ کی تعداد: 27
مدینہ مصحف (604 صفحات): 596
انڈو پاک مصحف (610 صفحات): 602
نسخ مصحف (612 صفحات): 603

سورۃ الم نشرح کے بارے میں سوالات

سورۃ الم نشرح میں کتنی آیات ہیں؟

سورۃ الم نشرح: آیات کی تعداد 8۔ یہ قرآن مجید کی 114 سورتوں میں نمبر 94 پر ہے۔

سورۃ الم نشرح کس پارے میں ہے؟

سورۃ الم نشرح: پارہ 30 (کل 30 پارے)۔

سورۃ الم نشرح مکی ہے یا مدنی؟

سورۃ الم نشرح مکی ہے۔

سورۃ الم نشرح کس صفحے پر ہے؟

سورۃ الم نشرح مدینہ مصحف (604 صفحات) میں: 596۔ انڈو پاک مصحف (610 صفحات) میں: 602۔ نسخ مصحف (612 صفحات) میں: 603۔

سورۃ الم نشرح میں کتنے الفاظ ہیں؟

سورۃ الم نشرح: الفاظ کی تعداد 27، جو اسی عثمانی متن سے شمار کی گئی ہے جو یہ سائٹ دکھاتی ہے۔

سورۃ الم نشرح میں کتنے عربی حروف ہیں؟

سورۃ الم نشرح: حروف کی تعداد 102، اسی عثمانی متن سے، اعراب کے بغیر۔

سورۃ الم نشرح قرآن مجید میں کہاں آتی ہے؟

سورۃ الم نشرح قرآن مجید کی 6,236 آیات میں سے آیت نمبر 6,091 سے آیت نمبر 6,098 تک ہے۔

کیا سورۃ الم نشرح میں سجدے کی آیت ہے؟

نہیں۔ مدینہ مصحف میں سورۃ الم نشرح پر سجدے کی کوئی علامت نہیں؛ 114 سورتوں میں سے 14 میں سجدے کی آیت ہے۔

کیا سورۃ الم نشرح سنی جا سکتی ہے؟

جی ہاں۔ سورۃ الم نشرح کی تمام 8 آیات یہاں آیت بہ آیت، 43 قاریوں میں سے کسی کی بھی تلاوت میں سنی جا سکتی ہیں، مفت اور بغیر رجسٹریشن۔

سورۃ الم نشرح کے لیے کون سا عربی متن استعمال ہوتا ہے؟

شاہ فہد کمپلیکس کا عثمانی حفص متن، کمپلیکس کے اپنے خط KFGQPC Uthmanic Hafs V22 میں۔ اس صفحے کا ہر عدد، بشمول 8 آیات اور 27 الفاظ، اسی متن سے تیار ہوتا ہے۔

سورۃ الم نشرح سنیں

قرآن کے قاری

قرآن لفظ بہ لفظ اور روزانہ تلاوت کی عادت ایک مفت ایپ میں۔