Nəbə النبأ · Muhammad AbdulKareem

عَمَّ يَتَسَآءَلُونَ ۝١

Onlar (müşriklər) nə barədə bir-birindən soruşurlar?

عَنِ ٱلنَّبَإِ ٱلۡعَظِيمِ ۝٢

Böyük bir xəbər (Qiyamət) barəsində –

ٱلَّذِي هُمۡ فِيهِ مُخۡتَلِفُونَ ۝٣

(elə bir xəbər) ki, onlar onun haqqında ixtilafdadırlar.

كـَلَّا سَيَعۡلَمُونَ ۝٤

Xeyr, onlar (Qiyamətin həqiqət olduğunu) mütləq biləcəklər!

ثُمَّ كـَلَّا سَيَعۡلَمُونَ ۝٥

Bir daha xeyr! Onlar mütləq biləcəklər!

أَلَمۡ نَجۡعَلِ ٱلۡأَرۡضَ مِهَٰدٗا ۝٦

Məgər Biz yeri döşək etmədikmi?

وَٱلۡجِبَالَ أَوۡتَادٗا ۝٧

Dağları da dirəklər?

وَخَلَقۡنَٰكُمۡ أَزۡوَٰجٗا ۝٨

(Ey insanlar!) Biz sizi (erkək və dişi olmaqla) cüt yaratdıq.

وَجَعَلۡنَا نَوۡمَكُمۡ سُبَاتٗا ۝٩

Yuxunuzu da (sizin üçün) rahatlıq etdik.

وَجَعَلۡنَا ٱلَّيۡلَ لِبَاسٗا ۝١٠

Gecəni örtük etdik.

وَجَعَلۡنَا ٱلنَّهَارَ مَعَاشٗا ۝١١

Gündüzü isə ruzi qazanmaq vaxtı etdik.

وَبَنَيۡنَا فَوۡقَكُمۡ سَبۡعٗا شِدَادٗا ۝١٢

Üstünüzdə yeddi (qat) möhkəm (göy) qurduq.

وَجَعَلۡنَا سِرَاجٗا وَهَّاجٗا ۝١٣

Parlaq bir çıraq (günəş) yaratdıq.

وَأَنزَلۡنَا مِنَ ٱلۡمُعۡصِرَٰتِ مَآءٗ ثَجَّاجٗا ۝١٤

Biz buludlardan şırıl-şırıl tökülən yağmur endirdik ki,

لِّنُخۡرِجَ بِهِۦ حَبّٗا وَنَبَاتٗا ۝١٥

onunla toxum və (digər) bitkilər yetişdirək,

وَجَنَّٰتٍ أَلۡفَافًا ۝١٦

habelə (ağaclarının qol-budaqları bir-birinə) sarmaşan bağlar (salaq).

إِنَّ يَوۡمَ ٱلۡفَصۡلِ كَانَ مِيقَٰتٗا ۝١٧

Həqiqətən, (haqqı batildən) ayırd etmə günü bəlli bir vaxta təyin edilmişdir!

يَوۡمَ يُنفَخُ فِي ٱلصُّورِ فَتَأۡتُونَ أَفۡوَاجٗا ۝١٨

(Ey insanlar!) Sur üfürüləcəyi gün siz (məhşərə) dəstə-dəstə gələcəksiniz.

وَفُتِحَتِ ٱلسَّمَآءُ فَكَانَتۡ أَبۡوَٰبٗا ۝١٩

(O gün) göy açılacaq və (mələklərin yerə enməsi üçün göydə) qapıları olacaqdır.

وَسُيِّرَتِ ٱلۡجِبَالُ فَكَانَتۡ سَرَابًا ۝٢٠

Dağlar da hərəkətə gətirilib ilğıma çevriləcəkdir.

إِنَّ جَهَنَّمَ كَانَتۡ مِرۡصَادٗا ۝٢١

Həqiqətən, Cəhənnəm pusquda dayanıb (kafirləri) gözləyir.

لِّلطَّٰغِينَ مَـَٔابٗا ۝٢٢

O, həddi aşanların qayıdacağı yerdir.

لَّٰبِثِينَ فِيهَآ أَحۡقَابٗا ۝٢٣

Onlar orada əsrlər boyu qalacaqlar.

لَّا يَذُوقُونَ فِيهَا بَرۡدٗا وَلَا شَرَابًا ۝٢٤

Onlar orada nə bir sərinlik, nə də içəcək bir şey dadacaqlar.

إِلَّا حَمِيمٗا وَغَسَّاقٗا ۝٢٥

(İçdikləri) yalnız qaynar su və irin (olacaqdır) –

جَزَآءٗ وِفَاقًا ۝٢٦

(Dünyada ikən etdikləri əməllərə) müvafiq bir cəza olaraq.

إِنَّهُمۡ كَانُواْ لَا يَرۡجُونَ حِسَابٗا ۝٢٧

Çünki, onlar hesaba çəkiləcəklərini güman etmirdilər.

وَكَذَّبُواْ بِـَٔايَٰتِنَا كِذَّابٗا ۝٢٨

Ayələrimizi də qətiyyətlə təkzib edirdilər.

وَكُلَّ شَيۡءٍ أَحۡصَيۡنَٰهُ كِتَٰبٗا ۝٢٩

Biz hər bir şeyi hesablayıb (lövhi-məhfuzda) yazmışıq.

فَذُوقُواْ فَلَن نَّزِيدَكُمۡ إِلَّا عَذَابًا ۝٣٠

Elə isə dadın (əzabı)! Biz sizə əzabdan başqa bir şey artırmayacağıq!

إِنَّ لِلۡمُتَّقِينَ مَفَازًا ۝٣١

Həqiqətən, müttəqilər üçün qurtuluş vardır.

حَدَآئِقَ وَأَعۡنَٰبٗا ۝٣٢

(Həmçinin) bağlar və üzümlüklər,

وَكَوَاعِبَ أَتۡرَابٗا ۝٣٣

dolğun döşlü həmyaşıd qızlar

وَكَأۡسٗا دِهَاقٗا ۝٣٤

(Cənnət şərabı ilə) ləbələb (doldurulmuş) qədəhlər də (vardır)!

لَّا يَسۡمَعُونَ فِيهَا لَغۡوٗا وَلَا كِذَّٰبٗا ۝٣٥

Onlar orada nə boş bir söz, nə də bir yalan eşidəcəklər.

جَزَآءٗ مِّن رَّبِّكَ عَطَآءً حِسَابٗا ۝٣٦

(Bunlar) Rəbbindən olan mükafat, bol bol verilən töhfədir.

رَّبِّ ٱلسَّمَٰوَٰتِ وَٱلۡأَرۡضِ وَمَا بَيۡنَهُمَا ٱلرَّحۡمَٰنِۖ لَا يَمۡلِكُونَ مِنۡهُ خِطَابٗا ۝٣٧

Göylərin, yerin və onların arasında olanların Rəhman olan Rəbbindən. Onlar Allahın hüzurunda bir söz deməyə qadir olmayacaqlar.

يَوۡمَ يَقُومُ ٱلرُّوحُ وَٱلۡمَلَٰٓئِكَةُ صَفّٗاۖ لَّا يَتَكَلَّمُونَ إِلَّا مَنۡ أَذِنَ لَهُ ٱلرَّحۡمَٰنُ وَقَالَ صَوَابٗا ۝٣٨

O gün Ruh (Cəbrail) və mələklər səf-səf duracaq. Rəhmanın izin verdiyi kimsələrdən başqa heç kəs danışmayacaq. (İzin verdiyi kimsə də) doğrunu danışacaqdır.

ذَٰلِكَ ٱلۡيَوۡمُ ٱلۡحَقُّۖ فَمَن شَآءَ ٱتَّخَذَ إِلَىٰ رَبِّهِۦ مَـَٔابًا ۝٣٩

O haqq olan bir gündür. Kim istəsə Rəbbinə aparan yolu tutar!

إِنَّآ أَنذَرۡنَٰكُمۡ عَذَابٗا قَرِيبٗا يَوۡمَ يَنظُرُ ٱلۡمَرۡءُ مَا قَدَّمَتۡ يَدَاهُ وَيَقُولُ ٱلۡكَافِرُ يَٰلَيۡتَنِي كُنتُ تُرَٰبَۢا ۝٤٠

Biz sizi yaxın bir əzab barədə xəbərdar etdik. O gün insan öz əlləri ilə etdiyinə baxacaq, kafir isə: “Kaş mən torpaq olaydım!”– deyəcəkdir.