Rəhman surəsi

ٱلرَّحۡمَٰنُ ۝١

Rəhman! (Mərhəmətli olan Allah!)

عَلَّمَ ٱلۡقُرۡءَانَ ۝٢

Quranı öyrətdi.

خَلَقَ ٱلۡإِنسَٰنَ ۝٣

İnsanı yaratdı.

عَلَّمَهُ ٱلۡبَيَانَ ۝٤

Ona bəyanı (duyğularını ifadə etməyi) öyrətdi.

ٱلشَّمۡسُ وَٱلۡقَمَرُ بِحُسۡبَانٖ ۝٥

Günəş və ay müəyyən bir ölçü ilə (hərəkət edir).

وَٱلنَّجۡمُ وَٱلشَّجَرُ يَسۡجُدَانِ ۝٦

Otlar (və ya ulduzlar) da, ağaclar da (Allaha) səcdə edir.

وَٱلسَّمَآءَ رَفَعَهَا وَوَضَعَ ٱلۡمِيزَانَ ۝٧

(Allah) göyü ucaltdı və (yer üzündə) mizanı (ədaləti) qoydu ki,

أَلَّا تَطۡغَوۡاْ فِي ٱلۡمِيزَانِ ۝٨

çəkidə həddi aşmayasınız.

وَأَقِيمُواْ ٱلۡوَزۡنَ بِٱلۡقِسۡطِ وَلَا تُخۡسِرُواْ ٱلۡمِيزَانَ ۝٩

(Əşyaları) mizanda insafla çəkin və çəkini əskiltməyin.

وَٱلۡأَرۡضَ وَضَعَهَا لِلۡأَنَامِ ۝١٠

O, yeri məxluqat üçün döşədi.

فِيهَا فَٰكِهَةٞ وَٱلنَّخۡلُ ذَاتُ ٱلۡأَكۡمَامِ ۝١١

Orada meyvələr və salxımlı xurma ağacları vardır.

وَٱلۡحَبُّ ذُو ٱلۡعَصۡفِ وَٱلرَّيۡحَانُ ۝١٢

Həmçinin, saçaqlı dənli bitkilər və xoş ətirli çiçəklər də vardır.

فَبِأَيِّ ءَالَآءِ رَبِّكُمَا تُكَذِّبَانِ ۝١٣

Elə isə Rəbbinizin hansı nemətlərini yalan sayırsınız?

خَلَقَ ٱلۡإِنسَٰنَ مِن صَلۡصَٰلٖ كَٱلۡفَخَّارِ ۝١٤

O, insanı (Adəmi) saxsı kimi quru gildən yaratdı.

وَخَلَقَ ٱلۡجَآنَّ مِن مَّارِجٖ مِّن نَّارٖ ۝١٥

Cannı da (Cinlərin atası olan İblisi də) xalis oddan O yaratdı.

فَبِأَيِّ ءَالَآءِ رَبِّكُمَا تُكَذِّبَانِ ۝١٦

Elə isə Rəbbinizin hansı nemətlərini yalan sayırsınız?

رَبُّ ٱلۡمَشۡرِقَيۡنِ وَرَبُّ ٱلۡمَغۡرِبَيۡنِ ۝١٧

O, iki məşriqin və iki məğribin Rəbbidir.

فَبِأَيِّ ءَالَآءِ رَبِّكُمَا تُكَذِّبَانِ ۝١٨

Elə isə Rəbbinizin hansı nemətlərini yalan sayırsınız?

مَرَجَ ٱلۡبَحۡرَيۡنِ يَلۡتَقِيَانِ ۝١٩

O, qarşı-qarşıya gələn (suyu şirin və acı olan) iki dənizi bir-birinə qovuşdurdu.

بَيۡنَهُمَا بَرۡزَخٞ لَّا يَبۡغِيَانِ ۝٢٠

Onların arasında bir maneə vardır, bir-birinə qatışa bilməzlər.

فَبِأَيِّ ءَالَآءِ رَبِّكُمَا تُكَذِّبَانِ ۝٢١

Elə isə Rəbbinizin hansı nemətlərini yalan sayırsınız?

يَخۡرُجُ مِنۡهُمَا ٱللُّؤۡلُؤُ وَٱلۡمَرۡجَانُ ۝٢٢

O iki dənizdən mirvari və mərcan çıxır.

فَبِأَيِّ ءَالَآءِ رَبِّكُمَا تُكَذِّبَانِ ۝٢٣

Elə isə Rəbbinizin hansı nemətlərini yalan sayırsınız?

وَلَهُ ٱلۡجَوَارِ ٱلۡمُنشَـَٔاتُ فِي ٱلۡبَحۡرِ كَٱلۡأَعۡلَٰمِ ۝٢٤

Dənizdə dağlar kimi, yelkənləri qaldırılmış halda üzən gəmilər də Onundur.

فَبِأَيِّ ءَالَآءِ رَبِّكُمَا تُكَذِّبَانِ ۝٢٥

Elə isə Rəbbinizin hansı nemətlərini yalan sayırsınız?

كُلُّ مَنۡ عَلَيۡهَا فَانٖ ۝٢٦

Yer üzündə olan hər kəs fanidir.

وَيَبۡقَىٰ وَجۡهُ رَبِّكَ ذُو ٱلۡجَلَٰلِ وَٱلۡإِكۡرَامِ ۝٢٧

Yalnız cəlal və ikram sahibi olan Rəbbinin Üzü əbədidir.

فَبِأَيِّ ءَالَآءِ رَبِّكُمَا تُكَذِّبَانِ ۝٢٨

Elə isə Rəbbinizin hansı nemətlərini yalan sayırsınız?

يَسۡـَٔلُهُۥ مَن فِي ٱلسَّمَٰوَٰتِ وَٱلۡأَرۡضِۚ كُلَّ يَوۡمٍ هُوَ فِي شَأۡنٖ ۝٢٩

Göylərdə və yerdə olan hər kəs (ehtiyacını) Ondan istəyir. O hər gün bir işdədir.

فَبِأَيِّ ءَالَآءِ رَبِّكُمَا تُكَذِّبَانِ ۝٣٠

Elə isə Rəbbinizin hansı nemətlərini yalan sayırsınız?

سَنَفۡرُغُ لَكُمۡ أَيُّهَ ٱلثَّقَلَانِ ۝٣١

Ey insanlar və cinlər! (Tezliklə) sizi hesaba çəkəcəyik.

فَبِأَيِّ ءَالَآءِ رَبِّكُمَا تُكَذِّبَانِ ۝٣٢

Elə isə Rəbbinizin hansı nemətlərini yalan sayırsınız?

يَٰمَعۡشَرَ ٱلۡجِنِّ وَٱلۡإِنسِ إِنِ ٱسۡتَطَعۡتُمۡ أَن تَنفُذُواْ مِنۡ أَقۡطَارِ ٱلسَّمَٰوَٰتِ وَٱلۡأَرۡضِ فَٱنفُذُواْۚ لَا تَنفُذُونَ إِلَّا بِسُلۡطَٰنٖ ۝٣٣

Ey cin və insan tayfası! Əgər göylərin və yerin hüdudlarını yarıb keçə bilərsinizsə, keçin! Siz ancaq qüvvətlə keçə bilərsiniz.

فَبِأَيِّ ءَالَآءِ رَبِّكُمَا تُكَذِّبَانِ ۝٣٤

Elə isə Rəbbinizin hansı nemətlərini yalan sayırsınız?

يُرۡسَلُ عَلَيۡكُمَا شُوَاظٞ مِّن نَّارٖ وَنُحَاسٞ فَلَا تَنتَصِرَانِ ۝٣٥

Üstünüzə tüstüsüz alov və alovsuz tüstü göndəriləcək və siz bir-birinizə kömək edə bilməyəcəksiniz.

فَبِأَيِّ ءَالَآءِ رَبِّكُمَا تُكَذِّبَانِ ۝٣٦

Elə isə Rəbbinizin hansı nemətlərini yalan sayırsınız?

فَإِذَا ٱنشَقَّتِ ٱلسَّمَآءُ فَكَانَتۡ وَرۡدَةٗ كَٱلدِّهَانِ ۝٣٧

Göy yarılıb dağ edilmiş yağ (yaxud ərinmiş qurğuşun) kimi qıpqırmızı olacaqdır.

فَبِأَيِّ ءَالَآءِ رَبِّكُمَا تُكَذِّبَانِ ۝٣٨

Elə isə Rəbbinizin hansı nemətlərini yalan sayırsınız?

فَيَوۡمَئِذٖ لَّا يُسۡـَٔلُ عَن ذَنۢبِهِۦٓ إِنسٞ وَلَا جَآنّٞ ۝٣٩

O gün nə insan, nə də cin günahları barəsində sorğu-sual olunmayacaqdır.

فَبِأَيِّ ءَالَآءِ رَبِّكُمَا تُكَذِّبَانِ ۝٤٠

Elə isə Rəbbinizin hansı nemətlərini yalan sayırsınız?

يُعۡرَفُ ٱلۡمُجۡرِمُونَ بِسِيمَٰهُمۡ فَيُؤۡخَذُ بِٱلنَّوَٰصِي وَٱلۡأَقۡدَامِ ۝٤١

Günahkarlar simalarından (üzlərinin qaralığından, gözlərinin göylüyündən) tanınacaq, kəkillərindən və ayaqlarından yaxalanacaqlar.

فَبِأَيِّ ءَالَآءِ رَبِّكُمَا تُكَذِّبَانِ ۝٤٢

Elə isə Rəbbinizin hansı nemətlərini yalan sayırsınız?

هَٰذِهِۦ جَهَنَّمُ ٱلَّتِي يُكَذِّبُ بِهَا ٱلۡمُجۡرِمُونَ ۝٤٣

(Onlara belə deyiləcəkdir:) Bu, günahkarların yalan saydıqları Cəhənnəm!

يَطُوفُونَ بَيۡنَهَا وَبَيۡنَ حَمِيمٍ ءَانٖ ۝٤٤

Onlar onunla (Cəhənnəm atəşi ilə) olduqca qaynar su arasında dolanacaqlar.

فَبِأَيِّ ءَالَآءِ رَبِّكُمَا تُكَذِّبَانِ ۝٤٥

Elə isə Rəbbinizin hansı nemətlərini yalan sayırsınız?

وَلِمَنۡ خَافَ مَقَامَ رَبِّهِۦ جَنَّتَانِ ۝٤٦

Rəbbinin hüzurunda durmaqdan qorxanlar üçün iki cənnət vardır.

فَبِأَيِّ ءَالَآءِ رَبِّكُمَا تُكَذِّبَانِ ۝٤٧

Elə isə Rəbbinizin hansı nemətlərini yalan sayırsınız?

ذَوَاتَآ أَفۡنَانٖ ۝٤٨

(O iki Cənnətin hər) ikisində də (növbənöv meyvələrlə dolu) ağaclar vardır.

فَبِأَيِّ ءَالَآءِ رَبِّكُمَا تُكَذِّبَانِ ۝٤٩

Elə isə Rəbbinizin hansı nemətlərini yalan sayırsınız?

فِيهِمَا عَيۡنَانِ تَجۡرِيَانِ ۝٥٠

(Hər) ikisində də iki axar bulaq vardır.

فَبِأَيِّ ءَالَآءِ رَبِّكُمَا تُكَذِّبَانِ ۝٥١

Elə isə Rəbbinizin hansı nemətlərini yalan sayırsınız?

فِيهِمَا مِن كُلِّ فَٰكِهَةٖ زَوۡجَانِ ۝٥٢

(Hər) ikisində də hər meyvədən cüt-cüt vardır.

فَبِأَيِّ ءَالَآءِ رَبِّكُمَا تُكَذِّبَانِ ۝٥٣

Elə isə Rəbbinizin hansı nemətlərini yalan sayırsınız?

مُتَّكِـِٔينَ عَلَىٰ فُرُشِۭ بَطَآئِنُهَا مِنۡ إِسۡتَبۡرَقٖۚ وَجَنَى ٱلۡجَنَّتَيۡنِ دَانٖ ۝٥٤

Onlar (orada) astarları atlazdan olan döşəklərə dirsəklənəcəklər. Hər iki cənnətin meyvələri onlara yaxın olacaqdır.

فَبِأَيِّ ءَالَآءِ رَبِّكُمَا تُكَذِّبَانِ ۝٥٥

Elə isə Rəbbinizin hansı nemətlərini yalan sayırsınız?

فِيهِنَّ قَٰصِرَٰتُ ٱلطَّرۡفِ لَمۡ يَطۡمِثۡهُنَّ إِنسٞ قَبۡلَهُمۡ وَلَا جَآنّٞ ۝٥٦

Orada gözlərini (öz ərlərinə) dikmiş, onlardan əvvəl özlərinə heç bir insan və cin toxunmamış qadınlar vardır.

فَبِأَيِّ ءَالَآءِ رَبِّكُمَا تُكَذِّبَانِ ۝٥٧

Elə isə Rəbbinizin hansı nemətlərini yalan sayırsınız?

كَأَنَّهُنَّ ٱلۡيَاقُوتُ وَٱلۡمَرۡجَانُ ۝٥٨

Onlar (o qadınlar gözəllikdə) sanki yaqut və mərcandırlar.

فَبِأَيِّ ءَالَآءِ رَبِّكُمَا تُكَذِّبَانِ ۝٥٩

Elə isə Rəbbinizin hansı nemətlərini yalan sayırsınız?

هَلۡ جَزَآءُ ٱلۡإِحۡسَٰنِ إِلَّا ٱلۡإِحۡسَٰنُ ۝٦٠

Yaxşılığın əvəzi yalnız yaxşılıq deyilmi?!

فَبِأَيِّ ءَالَآءِ رَبِّكُمَا تُكَذِّبَانِ ۝٦١

Elə isə Rəbbinizin hansı nemətlərini yalan sayırsınız?

وَمِن دُونِهِمَا جَنَّتَانِ ۝٦٢

Bu Cənnətdən başqa daha iki Cənnət də vardır.

فَبِأَيِّ ءَالَآءِ رَبِّكُمَا تُكَذِّبَانِ ۝٦٣

Elə isə Rəbbinizin hansı nemətlərini yalan sayırsınız?

مُدۡهَآمَّتَانِ ۝٦٤

Hər ikisi tünd yaşıldır.

فَبِأَيِّ ءَالَآءِ رَبِّكُمَا تُكَذِّبَانِ ۝٦٥

Elə isə Rəbbinizin hansı nemətlərini yalan sayırsınız?

فِيهِمَا عَيۡنَانِ نَضَّاخَتَانِ ۝٦٦

(Hər) ikisində də fışqırıb qaynayan iki bulaq vardır.

فَبِأَيِّ ءَالَآءِ رَبِّكُمَا تُكَذِّبَانِ ۝٦٧

Elə isə Rəbbinizin hansı nemətlərini yalan sayırsınız?

فِيهِمَا فَٰكِهَةٞ وَنَخۡلٞ وَرُمَّانٞ ۝٦٨

(Hər) ikisində də (cürbəcür) meyvələr, xurma ağacları və nar vardır.

فَبِأَيِّ ءَالَآءِ رَبِّكُمَا تُكَذِّبَانِ ۝٦٩

Elə isə Rəbbinizin hansı nemətlərini yalan sayırsınız?

فِيهِنَّ خَيۡرَٰتٌ حِسَانٞ ۝٧٠

Orada xoş xasiyyətli, gözəl (üzlü) qadınlar vardır.

فَبِأَيِّ ءَالَآءِ رَبِّكُمَا تُكَذِّبَانِ ۝٧١

Elə isə Rəbbinizin hansı nemətlərini yalan sayırsınız?

حُورٞ مَّقۡصُورَٰتٞ فِي ٱلۡخِيَامِ ۝٧٢

Çadırlar içində qorunub saxlanılmış (və ya: gözlərini öz ərlərinə dikmiş) hurilər vardır.

فَبِأَيِّ ءَالَآءِ رَبِّكُمَا تُكَذِّبَانِ ۝٧٣

Elə isə Rəbbinizin hansı nemətlərini yalan sayırsınız?

لَمۡ يَطۡمِثۡهُنَّ إِنسٞ قَبۡلَهُمۡ وَلَا جَآنّٞ ۝٧٤

Onlara ərlərindən öncə heç bir insan və cin toxunmamışdır.

فَبِأَيِّ ءَالَآءِ رَبِّكُمَا تُكَذِّبَانِ ۝٧٥

Elə isə Rəbbinizin hansı nemətlərini yalan sayırsınız?

مُتَّكِـِٔينَ عَلَىٰ رَفۡرَفٍ خُضۡرٖ وَعَبۡقَرِيٍّ حِسَانٖ ۝٧٦

Onlar yaşıl balışlara və gözəl döşəkçələrə dirsəklənəcəklər.

فَبِأَيِّ ءَالَآءِ رَبِّكُمَا تُكَذِّبَانِ ۝٧٧

Elə isə Rəbbinizin hansı nemətlərini yalan sayırsınız?

تَبَٰرَكَ ٱسۡمُ رَبِّكَ ذِي ٱلۡجَلَٰلِ وَٱلۡإِكۡرَامِ ۝٧٨

Cəlal və ikram sahibi olan Rəbbinin adı nə qədər mübarəkdir!