Vaqiə surəsi

إِذَا وَقَعَتِ ٱلۡوَاقِعَةُ ۝١

Qiyamət vaqe olacağı zaman.

لَيۡسَ لِوَقۡعَتِهَا كَاذِبَةٌ ۝٢

Onun vaqe olacağına heç bir şübhə yoxdur.

خَافِضَةٞ رَّافِعَةٌ ۝٣

O, (kafirləri) alçaldacaq, (möminləri) ucaldacaq.

إِذَا رُجَّتِ ٱلۡأَرۡضُ رَجّٗا ۝٤

Yer şiddətlə titrədiyi zaman,

وَبُسَّتِ ٱلۡجِبَالُ بَسّٗا ۝٥

Dağlar parça-parça olub ovxalandığı

فَكَانَتۡ هَبَآءٗ مُّنۢبَثّٗا ۝٦

(Ətrafa) səpələnmiş toz-torpağa döndüyü zaman,

وَكُنتُمۡ أَزۡوَٰجٗا ثَلَٰثَةٗ ۝٧

siz üç dəstəyə ayrılacaqsınız.

فَأَصۡحَٰبُ ٱلۡمَيۡمَنَةِ مَآ أَصۡحَٰبُ ٱلۡمَيۡمَنَةِ ۝٨

Sağ tərəf sahibləri. Nə xoşbəxtdir sağ tərəf sahibləri!

وَأَصۡحَٰبُ ٱلۡمَشۡـَٔمَةِ مَآ أَصۡحَٰبُ ٱلۡمَشۡـَٔمَةِ ۝٩

Sol tərəf sahibləri. Nə bədbəxtdir sol tərəf sahibləri!

وَٱلسَّٰبِقُونَ ٱلسَّٰبِقُونَ ۝١٠

(Dünyada xeyirxah işlərdə) öndə gedənlər, (axirətdə də) öndədirlər!

أُوْلَٰٓئِكَ ٱلۡمُقَرَّبُونَ ۝١١

Onlar (Allaha) yaxınlaşdırılmış kimsələrdir.

فِي جَنَّٰتِ ٱلنَّعِيمِ ۝١٢

Onlar Nəim cənnətlərində olacaqlar.

ثُلَّةٞ مِّنَ ٱلۡأَوَّلِينَ ۝١٣

Onların bir qismi əvvəlki ümmətlərlərdən.

وَقَلِيلٞ مِّنَ ٱلۡأٓخِرِينَ ۝١٤

ِAz bir qismi də axırıncılardandır.

عَلَىٰ سُرُرٖ مَّوۡضُونَةٖ ۝١٥

(Onlar qızıl-gümüşlə) bəzənmiş taxtlar üstündə

مُّتَّكِـِٔينَ عَلَيۡهَا مُتَقَٰبِلِينَ ۝١٦

qarşı-qarşıya əyləşib dirsəklənəcəklər.

يَطُوفُ عَلَيۡهِمۡ وِلۡدَٰنٞ مُّخَلَّدُونَ ۝١٧

Onların ətrafında həmişəcavan (xidmətçi) oğlanlar dolanacaqlar –

بِأَكۡوَابٖ وَأَبَارِيقَ وَكَأۡسٖ مِّن مَّعِينٖ ۝١٨

çeşmə şərabı ilə dolu badələr, bardaqlar və qədəhlərlə –

لَّا يُصَدَّعُونَ عَنۡهَا وَلَا يُنزِفُونَ ۝١٩

ondan başları ağrımaz və məst olmazlar,

وَفَٰكِهَةٖ مِّمَّا يَتَخَيَّرُونَ ۝٢٠

bəyənib seçdikləri meyvələr

وَلَحۡمِ طَيۡرٖ مِّمَّا يَشۡتَهُونَ ۝٢١

və istədikləri quş əti ilə (onların ətrafında hərlənəcəklər).

وَحُورٌ عِينٞ ۝٢٢

(Onlar üçün orada) iri qara gözlü hurilər vardır –

كَأَمۡثَٰلِ ٱللُّؤۡلُوِٕ ٱلۡمَكۡنُونِ ۝٢٣

Sanki (sədəf içində) qorunub-saxlanmış mirvariyə bənzər (hurilər).

جَزَآءَۢ بِمَا كَانُواْ يَعۡمَلُونَ ۝٢٤

(Bu, onlara) etdikləri əməllərin mükafatı olaraq (veriləcəkdir).

لَا يَسۡمَعُونَ فِيهَا لَغۡوٗا وَلَا تَأۡثِيمًا ۝٢٥

Onlar orada nə boş söz, nə də günaha səbəb olan söhbət eşidəcəklər.

إِلَّا قِيلٗا سَلَٰمٗا سَلَٰمٗا ۝٢٦

Yalnız: “Salam! Salam!”– sözləri (eşidəcəklər).

وَأَصۡحَٰبُ ٱلۡيَمِينِ مَآ أَصۡحَٰبُ ٱلۡيَمِينِ ۝٢٧

Sağ tərəf sahibləri. Nə xoşbəxtdir sağ tərəf sahibləri!

فِي سِدۡرٖ مَّخۡضُودٖ ۝٢٨

(Onlar) tikansız sidr ağacları,

وَطَلۡحٖ مَّنضُودٖ ۝٢٩

meyvələri salxım-salxım asılmış banan ağacları altında,

وَظِلّٖ مَّمۡدُودٖ ۝٣٠

daimi kölgədə,

وَمَآءٖ مَّسۡكُوبٖ ۝٣١

daim axan su (kənarında),

وَفَٰكِهَةٖ كَثِيرَةٖ ۝٣٢

çoxlu meyvələr –

لَّا مَقۡطُوعَةٖ وَلَا مَمۡنُوعَةٖ ۝٣٣

tükənməyən və qadağan edilməyən (meyvələr içində)

وَفُرُشٖ مَّرۡفُوعَةٍ ۝٣٤

və hündür döşəklər üstündə (olacaqlar).

إِنَّآ أَنشَأۡنَٰهُنَّ إِنشَآءٗ ۝٣٥

Biz onları (huriləri) yeni bir biçimdə yaratdıq.

فَجَعَلۡنَٰهُنَّ أَبۡكَارًا ۝٣٦

Biz onları bakirə qızlar etdik –

عُرُبًا أَتۡرَابٗا ۝٣٧

ərlərini sevən, həmyaşıdlar.

لِّأَصۡحَٰبِ ٱلۡيَمِينِ ۝٣٨

(Bunlar) sağ tərəf sahibləri üçündür.

ثُلَّةٞ مِّنَ ٱلۡأَوَّلِينَ ۝٣٩

Onların bir qismi əvvəlkilərdən,

وَثُلَّةٞ مِّنَ ٱلۡأٓخِرِينَ ۝٤٠

bir qismi də axırıncılardandır.

وَأَصۡحَٰبُ ٱلشِّمَالِ مَآ أَصۡحَٰبُ ٱلشِّمَالِ ۝٤١

Sol tərəf sahibləri. Nə bədbəxtdir sol tərəf sahibləri!

فِي سَمُومٖ وَحَمِيمٖ ۝٤٢

Onlar qızmar yel və qaynar su içində,

وَظِلّٖ مِّن يَحۡمُومٖ ۝٤٣

qapqara duman kölgəsində olacaqlar.

لَّا بَارِدٖ وَلَا كَرِيمٍ ۝٤٤

(Bu duman) nə sərin, nə də xoşagələndir.

إِنَّهُمۡ كَانُواْ قَبۡلَ ذَٰلِكَ مُتۡرَفِينَ ۝٤٥

Onlar bundan əvvəl (dünyada) cah-calal içində idilər,

وَكَانُواْ يُصِرُّونَ عَلَى ٱلۡحِنثِ ٱلۡعَظِيمِ ۝٤٦

böyük günah işləməkdə (Allaha şərik qoşmaqda) israr edirdilər

وَكَانُواْ يَقُولُونَ أَئِذَا مِتۡنَا وَكُنَّا تُرَابٗا وَعِظَٰمًا أَءِنَّا لَمَبۡعُوثُونَ ۝٤٧

və deyirdilər: “Məgər biz ölüb torpaq və sür-sümük olduqdan sonra yenidən dirildiləcəyik?

أَوَءَابَآؤُنَا ٱلۡأَوَّلُونَ ۝٤٨

Yaxud əvvəlki atalarımızda (dirildiləcəklərmi)?!”

قُلۡ إِنَّ ٱلۡأَوَّلِينَ وَٱلۡأٓخِرِينَ ۝٤٩

(Ey Peyğəmbər!) De: “Şübhəsiz ki, əvvəlkilər də, sonrakılar da,

لَمَجۡمُوعُونَ إِلَىٰ مِيقَٰتِ يَوۡمٖ مَّعۡلُومٖ ۝٥٠

bəlli bir günün (Qiyamət gününün) müəyyən vaxtında mütləq cəm ediləcəklər.

ثُمَّ إِنَّكُمۡ أَيُّهَا ٱلضَّآلُّونَ ٱلۡمُكَذِّبُونَ ۝٥١

Sonra, siz ey (doğru yoldan) azanlar, (haqqı) yalan sayanlar!

لَأٓكِلُونَ مِن شَجَرٖ مِّن زَقُّومٖ ۝٥٢

Siz mütləq zəqqum ağacından yeyəcəksiniz,

فَمَالِـُٔونَ مِنۡهَا ٱلۡبُطُونَ ۝٥٣

qarınlarınızı onunla dolduracaqsınız,

فَشَٰرِبُونَ عَلَيۡهِ مِنَ ٱلۡحَمِيمِ ۝٥٤

üstündən də qaynar su içəcəksiniz.

فَشَٰرِبُونَ شُرۡبَ ٱلۡهِيمِ ۝٥٥

Siz (onu) susuzluq xəstəliyinə tutulmuş dəvə kimi içəcəksiniz”.

هَٰذَا نُزُلُهُمۡ يَوۡمَ ٱلدِّينِ ۝٥٦

Bu, onların Din günündəki ziyafətidir.

نَحۡنُ خَلَقۡنَٰكُمۡ فَلَوۡلَا تُصَدِّقُونَ ۝٥٧

Sizi Biz yaratdıq. Kaş ki (dirildiləcəyinizi) təsdiq etsəniz!

أَفَرَءَيۡتُم مَّا تُمۡنُونَ ۝٥٨

Axıtdığınız nütfəni gördünüzmü?!

ءَأَنتُمۡ تَخۡلُقُونَهُۥٓ أَمۡ نَحۡنُ ٱلۡخَٰلِقُونَ ۝٥٩

Onu siz yaradırsınız, yoxsa Bizik yaradan?!

نَحۡنُ قَدَّرۡنَا بَيۡنَكُمُ ٱلۡمَوۡتَ وَمَا نَحۡنُ بِمَسۡبُوقِينَ ۝٦٠

Sizin aranızda ölümü Biz müəyyən etdik və heç nə Bizim qarşımızı ala bilməz.

عَلَىٰٓ أَن نُّبَدِّلَ أَمۡثَٰلَكُمۡ وَنُنشِئَكُمۡ فِي مَا لَا تَعۡلَمُونَ ۝٦١

Sizin yerinizə bənzərlərinizi gətirmək və sizi özünüz bilmədiyiniz başqa bir şəkildə yenidən yaratmağa (Bizə mane olan tapılmaz).

وَلَقَدۡ عَلِمۡتُمُ ٱلنَّشۡأَةَ ٱلۡأُولَىٰ فَلَوۡلَا تَذَكَّرُونَ ۝٦٢

Siz ilk yaradılışı bilirsiniz. Kaş ki (dirildiləcəyiniz barədə) düşünsəniz!

أَفَرَءَيۡتُم مَّا تَحۡرُثُونَ ۝٦٣

Əkdiyinizi gördünüzmü?!

ءَأَنتُمۡ تَزۡرَعُونَهُۥٓ أَمۡ نَحۡنُ ٱلزَّٰرِعُونَ ۝٦٤

Onu siz bitirirsiniz, yoxsa Bizik bitirən?!

لَوۡ نَشَآءُ لَجَعَلۡنَٰهُ حُطَٰمٗا فَظَلۡتُمۡ تَفَكَّهُونَ ۝٦٥

Əgər Biz istəsəydik, onu bir saman çöpünə döndərər, siz də təəccüb edərdiniz,

إِنَّا لَمُغۡرَمُونَ ۝٦٦

(və deyərdiniz:) “Biz ziyana uğradıq.

بَلۡ نَحۡنُ مَحۡرُومُونَ ۝٦٧

Xeyr, biz (ruzidən) məhrum olanlardanıq!”

أَفَرَءَيۡتُمُ ٱلۡمَآءَ ٱلَّذِي تَشۡرَبُونَ ۝٦٨

İçdiyiniz suyu gördünüzmü?!

ءَأَنتُمۡ أَنزَلۡتُمُوهُ مِنَ ٱلۡمُزۡنِ أَمۡ نَحۡنُ ٱلۡمُنزِلُونَ ۝٦٩

Onu buluddan siz endirirsiniz, yoxsa Bizik endirən!

لَوۡ نَشَآءُ جَعَلۡنَٰهُ أُجَاجٗا فَلَوۡلَا تَشۡكُرُونَ ۝٧٠

Əgər istəsəydik, onu acı edərdik. Kaş ki şükür etsəniz!

أَفَرَءَيۡتُمُ ٱلنَّارَ ٱلَّتِي تُورُونَ ۝٧١

Yandırdığınız odu gördünüzmü?!

ءَأَنتُمۡ أَنشَأۡتُمۡ شَجَرَتَهَآ أَمۡ نَحۡنُ ٱلۡمُنشِـُٔونَ ۝٧٢

Onun ağacını siz yaradırsınız, yoxsa Bizik yaradan!

نَحۡنُ جَعَلۡنَٰهَا تَذۡكِرَةٗ وَمَتَٰعٗا لِّلۡمُقۡوِينَ ۝٧٣

Biz onu (Cəhənnəmi) xatırlamaq və müsafirlərin faydalanması üçün yaratdıq.

فَسَبِّحۡ بِٱسۡمِ رَبِّكَ ٱلۡعَظِيمِ ۝٧٤

(Ey Peyğəmbər!) Elə isə əzəmətli Rəbbinin adı ilə təsbih et!

۞ فَلَآ أُقۡسِمُ بِمَوَٰقِعِ ٱلنُّجُومِ ۝٧٥

Ulduzların batdığı yerlərə and olsun!

وَإِنَّهُۥ لَقَسَمٞ لَّوۡ تَعۡلَمُونَ عَظِيمٌ ۝٧٦

Şübhəsiz ki, bu, böyük bir anddır. Kaş ki biləydiniz.

إِنَّهُۥ لَقُرۡءَانٞ كَرِيمٞ ۝٧٧

Həqiqətən, o, çox dəyərli Qurandır,

فِي كِتَٰبٖ مَّكۡنُونٖ ۝٧٨

qorunub saxlanılan kitabdadır (lövhi-məhfuzdadır).

لَّا يَمَسُّهُۥٓ إِلَّا ٱلۡمُطَهَّرُونَ ۝٧٩

Ona yalnız pak olanlar toxunar.

تَنزِيلٞ مِّن رَّبِّ ٱلۡعَٰلَمِينَ ۝٨٠

O, aləmlərin Rəbbi tərəfindən nazil edilmişdir.

أَفَبِهَٰذَا ٱلۡحَدِيثِ أَنتُم مُّدۡهِنُونَ ۝٨١

(Ey müşriklər!) Siz bu kəlamı yalanmı sayırsınız?!

وَتَجۡعَلُونَ رِزۡقَكُمۡ أَنَّكُمۡ تُكَذِّبُونَ ۝٨٢

Sizə verilən ruziyə şükür etməyi, onu yalan saymaqlamı edirsiniz?!

فَلَوۡلَآ إِذَا بَلَغَتِ ٱلۡحُلۡقُومَ ۝٨٣

(Can) boğaza yetişdiyi zaman –

وَأَنتُمۡ حِينَئِذٖ تَنظُرُونَ ۝٨٤

həmin an siz (qarşınızda can verən kimsəyə) baxırsınız.

وَنَحۡنُ أَقۡرَبُ إِلَيۡهِ مِنكُمۡ وَلَٰكِن لَّا تُبۡصِرُونَ ۝٨٥

Biz ona (elmimiz və ya mələklərimizlə) sizdən daha yaxınıq, lakin siz isə (bunu) görmürsünüz.

فَلَوۡلَآ إِن كُنتُمۡ غَيۡرَ مَدِينِينَ ۝٨٦

Madam ki, siz (iddianıza görə) haqq-hesab olunmayacaqsınız

تَرۡجِعُونَهَآ إِن كُنتُمۡ صَٰدِقِينَ ۝٨٧

əgər doğru danışanlarsınızsa, onda, o canı geri qaytarın.

فَأَمَّآ إِن كَانَ مِنَ ٱلۡمُقَرَّبِينَ ۝٨٨

Amma əgər o, (ölən kimsə Allaha) yaxın olanlardandırsa,

فَرَوۡحٞ وَرَيۡحَانٞ وَجَنَّتُ نَعِيمٖ ۝٨٩

onda rahatlıq, gözəl ruzi və Nəim Cənnəti vardır.

وَأَمَّآ إِن كَانَ مِنۡ أَصۡحَٰبِ ٱلۡيَمِينِ ۝٩٠

Əgər o, sağ tərəf sahiblərindəndirsə,

فَسَلَٰمٞ لَّكَ مِنۡ أَصۡحَٰبِ ٱلۡيَمِينِ ۝٩١

(ona:) “Sağ tərəf sahiblərindən sənə salam olsun!”– (deyiləcəkdir).

وَأَمَّآ إِن كَانَ مِنَ ٱلۡمُكَذِّبِينَ ٱلضَّآلِّينَ ۝٩٢

Yox əgər o, (haqqı) yalan sayanlardan və (doğru yoldan) azanlardandırsa,

فَنُزُلٞ مِّنۡ حَمِيمٖ ۝٩٣

(onun) ziyafəti qaynar su olacaq,

وَتَصۡلِيَةُ جَحِيمٍ ۝٩٤

özü də Cəhənnəmdə yanacaqdır.

إِنَّ هَٰذَا لَهُوَ حَقُّ ٱلۡيَقِينِ ۝٩٥

Həqiqətən, bu (qullara əməllərinin əvəzi verilməsi), açıq-aydın bir haqqdır.

فَسَبِّحۡ بِٱسۡمِ رَبِّكَ ٱلۡعَظِيمِ ۝٩٦

(Ey Peyğəmbər!) Elə isə əzəmətli Rəbbinin adı ilə təsbih et!