Surja El-Kehf 18:17 الكهف

Kur ata e kryen këtë dhe hynë në shpellë, Allahu u dha një gjumë të thellë dhe i mbrojti ata prej armikut të tyre; madje do shihje se si edhe Dielli që lindte nga lindja e vet, anonte nga krahu i djathtë i hyrjes së shpellës, ndërsa kur ai drejtohej për në perëndimin e vet, humbiste nga ana e majtë e saj, duke mos u rënë drejtpërdrejte t’i dëmtonte nxehtësia e tij, por që të ishin gjithmonë në hije (konstante), në një shpellë të gjerë, që mund të ajrosej mjaftueshëm për ta, aq sa kishin nevojë. Kjo që u ndodhi atyre: të strehuarit në shpellë, gjumi, shmangia e Diellit prej tyre, përshtatja e vendit dhe shpëtimi prej popullit të vet, ishin prej çudirave të krijimit të Allahut, që tregojnë rreth Fuqisë së Tij. Prandaj, atij që Allahu ia mundëson rrugën e udhëzimit, i tilli është vërtet i udhëzuar, ndërsa atë që Ai e lë të humbur, atë e ka poshtëruar. Dhe për të nuk do të gjesh, o i Dërguar, asnjë ndihmues që do ta ndihmonte për ta gjetur udhëzimin e as që do mund ta drejtonte për tek ai, pasi udhëzimi është (përzgjedhje) vetëm në Dorën e Allahut e nuk është as në dorën e atij vetë.