Surja El-Maide 5:48 المائدة

Pasi Allahu përmendi Teuratin dhe Ungjillin duke i lavdëruar këta libra, përmendi edhe Kuranin, duke e lavdëruar atë:

Pastaj, Ne të zbritëm ty, o i Dërguar, Kuranin me Vërtetësi, për të cilin nuk ekziston as dyshim e as dilemë se ai është prej Allahut. Ai vërteton dhe mbron Librat e shpallur para tij, kështu që çfarë përputhet me Kuranin, është e vërtetë e çfarë bie ndesh me të, është e pavërtetë. Prandaj, gjyko mes njerëzve me atë që ta ka zbritur ty Allahu në Kuran e mos i ndiq dëshirat e tyre të kota, duke u larguar nga e Vërteta që të është shpallur e për të cilën nuk ka asnjë dyshim. Ne për çdo popull vumë ligje, gjykime ekzekutive dhe rrugë të qartë udhëzimi. Po të kishte dashur Allahu t’i unifikonte të gjitha ligjet e zbritura, do t’i kishte unifikuar (më herët), por secilit popull (në kohën e tyre) i dha ligje, në mënyrë që t’i vërë të gjithë në provë e të dalë në pah ai që është i bindur e ai që është kundërshtues. Prandaj, edhe ju, o besimtarë, nxitoni në kryerjen e mirësive dhe lënien e të këqijave, pasi tek Allahu i Vetëm do jetë kthimi juaj në Ditën e Gjykimit. Ai do t’ju vërë në dijeni për atë rreth së cilës ju ishit në mospajtime, si dhe do t’ju shpërblejë për atë që ju keni bërë.