Surja Ali Imran 3:183 آل عمران

Duke gënjyer dhe shpifur, ata thanë, gjithashtu: “Allahu na e ka lënë porosi nëpërmjet Librave dhe gojës së të dërguarve të Vet, që të mos i besojmë asnjë të dërguari, derisa ai të na sjellë atë që e vërteton fjalën e tij, domethënë, që ai t’i bëjë Allahut një kurban, të cilin ta djegë një zjarr i rënë prej qielli. Kështu, ata gënjyen duke e trilluar këtë porosi si të ishte prej Allahut dhe duke i kushtëzuar kështu argumentet e Vërteta të të Dërguarve me atë që thanë. Prandaj, Allahu e urdhëroi të Dërguarin e Vet, Muhamedin صلى الله عليه وسلم që t’u thotë: “Ju, edhe para meje ju erdhën të Dërguar me argumente të qarta, që tregonin Vërtetësinë e tyre dhe me atë që ju kërkuat, pra me një kurban, të cilin do ta digjte një zjarr i rënë prej qielli. Atëherë, përse ju i mohuat ata dhe i vratë, nëse jeni të vërtetë në atë që thoni?!”