Surja En-Nahl 16:90 النحل

Në të vërtetë, Allahu i urdhëron robërit e Vet që t’i përmbahen drejtësisë e që secili rob t’ia japë hakun (të drejtën që e meriton) Allahut dhe njerëzve, që të mos i japin përparësi askujt prej njerëzve kur të gjykojnë mes tyre, përveç nëse e kërkon e drejta që t’i jepet përparësi. Ai i urdhëron për bamirësi, ashtu që të dhurojnë përtej asaj për të cilën janë të obliguar, siç është: lëmosha vullnetare, falja e atij që u ka bërë padrejtësi e të ngjashme. Po ashtu Ai i urdhëron që t’u japin të afërmve e t’u plotësohen nevojat, ndërsa i ndalon prej çdo gjëje që është e turpshme, qoftë fjalë, siç është fjala e ndyrë, apo vepër, siç është imoraliteti. Ai i ndalon prej gjithçkaje që nuk e pranon feja e Tij, pra, gjynaheve, ashtu sikurse i ndalon prej çdo padrejtësie dhe arrogance ndaj njerëzve. Kështu ju këshillon Allahu, me ato urdhra e me ndalesa si në këtë ajet, me shpresë që ju të nxirrni mësime prej asaj që Ai ju ka këshilluar.