Surja En-Nisa 4:6 النساء

Ju kujdestarë (të jetimëve), vërini në provë jetimët, nëse kanë arritur moshën e pjekurisë, duke u dhënë fillimisht një pjesë të pasurisë së tyre, që ta administrojnë. Nëse ata e administrojnë atë mirë dhe ju siguroheni për pjekurinë e tyre, atëherë dorëzojuani të gjithë pasurinë e tyre, pa u mbajtur asgjë! Mos e hani pasurinë e tyre në rast nevoje, duke i tejkaluar kufijtë e Allahut, në lidhje me pasurinë e tyre! Gjithashtu, mos shpejtoni ta hani pasurinë e tyre nga frika se mos ua marrin ata, kur të arrijnë moshën e pjekurisë! Kush ka pasuri të mjaftueshme, atëherë le të heqë dorë nga përdorimi i pasurisë së jetimit, ndërsa kush është i varfër –nuk ka pasuri, atëherë le të ushqehet me atë pasuri, aq sa i plotësohen nevojat e tij elementare. Kur t’ua dorëzoni pasurinë (jetimëve), pasi të kenë arritur moshën e pjekurisë, të dalluar qartë nga ju, atëherë kthejuani duke e dëshmuar, si mbrojtje për të drejtat e tyre dhe për të shmangur lindjen e mosmarrëveshjeve. Mjafton që Allahu është Dëshmitar për këtë dhe Gjykues i robve për veprat që bëjnë.