Surja Er-Ra'd 13:31 الرعد

E nëse do të kishte pasur ndonjë Libër hyjnor, që me veçoritë e tij t’i zhvendoste malet nga vendi i tyre, apo që me të të çahej Toka duke dalë prej saj burime dhe lumenj, apo që ai t’u lexohej të vdekurve dhe me të ata të ringjalleshin, do të kishte qenë ky Kuran që të është zbritur ty (o i Dërguar). Pasi ai është argumentues i qartë dhe me një ndikim madhështor, nëse ata do të kishin zemra që druhen, por në të vërtetë ata duan kundërvënien. Përkundrazi, vetëm Allahut i përket i tërë Vendimi për të zbritur mrekullitë dhe gjithçka tjetër. A nuk e dinë ata që i besojnë Allahut se, po të kishte dashur Allahu që t’i udhëzonte të gjithë njerëzit pa u zbritur atyre asnjë mrekulli, do t’i kishte udhëzuar ata të gjithë, pa patur nevojën e zbritjes së tyre?! Mirëpo Ai nuk e ka dëshiruar diçka të tillë. Kështu që atyre që nuk e besojnë Allahun, për shkak të mohimit dhe gjynaheve që ata bëjnë, do të vazhdojnë t’u bien fatkeqësi të vështira që t’i çakërdisin, ose që fatkeqësi të tilla të bien pranë vendbanimeve të tyre, derisa të vijë premtimi i Allahut dhe t’i përfshijë dënimi i vazhdueshëm. Vërtet që Allahu nuk e lë realizimin e premtimit të Vet kur t’i vijë momenti i caktuar.