Surja Fatir 35:32 فاطر

Pastaj Librin që ta zbritëm ty (o i Dërguar) pas teje Ne ua lamë trashëgim atyre që i patëm zgjedhur në mesin e robërve Tanë prej Umetit tënd. Kjo në mënyrë që edhe Umeti yt (o i Dërguar) të ketë një Libër udhëzues, siç kanë pasur edhe popujt e mëparshëm, që t’i kryejë porositë që gjejnë në të. Prej tyre (Umetit), ka të tillë që i bëjnë dëm vetes së tyre (me gjunahe e lënien e dispozitave të Tij), por prej tyre ka të tillë që tregohen të mesëm (me kryerjen e dispozitave dhe largimin prej harameve, por, me lënien e disa veprave të pëlqyeshme dhe bërjen e disa prej gjërave të papëlqyeshme). Po ashtu, prej tyre ka që përparojnë në vepra të mira, me lejen e Allahut (duke hequr dorë totalisht prej harameve dhe veprave të papëlqyeshme dhe duke i kryer të gjitha dispozitat dhe veprat e pëlqyeshme). Zgjedhja e këtij Umeti përmbi umetet e tjera dhe zbritja e këtij Kurani për udhëzimin e tyre është vërtet një mirësi e madhe, që nuk mund të ketë mirësi më të madhe se ajo.