Surja El-A'la

سَبِّحِ ٱسۡمَ رَبِّكَ ٱلۡأَعۡلَى ۝١

Lavdëro emrin e Zotit tënd, më të Lartit,

ٱلَّذِي خَلَقَ فَسَوَّىٰ ۝٢

që ka krijuar gjithçka dhe e ka përpjesëtuar drejt;

وَٱلَّذِي قَدَّرَ فَهَدَىٰ ۝٣

që ka caktuar fatin e çdo gjëje dhe ia ka rrëfyer rrugën;

وَٱلَّذِيٓ أَخۡرَجَ ٱلۡمَرۡعَىٰ ۝٤

që bën të rriten kullotat

فَجَعَلَهُۥ غُثَآءً أَحۡوَىٰ ۝٥

dhe pastaj të shndërrohen, të thahen e të vyshken.

سَنُقۡرِئُكَ فَلَا تَنسَىٰٓ ۝٦

Ne do të të bëjmë ty (Muhamed) të lexosh (Shpalljet Tona), kështu që nuk ke për të harruar,

إِلَّا مَا شَآءَ ٱللَّهُۚ إِنَّهُۥ يَعۡلَمُ ٱلۡجَهۡرَ وَمَا يَخۡفَىٰ ۝٧

përveç asaj që do Allahu. Vërtet, Ai e di të dukshmen dhe çka është e fshehtë.

وَنُيَسِّرُكَ لِلۡيُسۡرَىٰ ۝٨

Do të ta lehtësojmë ty rrugën e drejtë,

فَذَكِّرۡ إِن نَّفَعَتِ ٱلذِّكۡرَىٰ ۝٩

prandaj këshillo, nëse këshilla do të jetë e dobishme!

سَيَذَّكَّرُ مَن يَخۡشَىٰ ۝١٠

Asaj do t’ia vërë veshin ai që (i) frikësohet (Allahut),

وَيَتَجَنَّبُهَا ٱلۡأَشۡقَى ۝١١

e do t’i shmanget vetëm më i keqi,

ٱلَّذِي يَصۡلَى ٱلنَّارَ ٱلۡكُبۡرَىٰ ۝١٢

i cili do të digjet në zjarrin e madh,

ثُمَّ لَا يَمُوتُ فِيهَا وَلَا يَحۡيَىٰ ۝١٣

ku as nuk do të vdesë, as nuk do të jetojë.

قَدۡ أَفۡلَحَ مَن تَزَكَّىٰ ۝١٤

I shpëtuar është ai që pastrohet,

وَذَكَرَ ٱسۡمَ رَبِّهِۦ فَصَلَّىٰ ۝١٥

që e përmend emrin e Zotit të vet dhe që fal namaz!

بَلۡ تُؤۡثِرُونَ ٱلۡحَيَوٰةَ ٱلدُّنۡيَا ۝١٦

Por ju, përkundrazi, më shumë po e parapëlqeni jetën e kësaj bote,

وَٱلۡأٓخِرَةُ خَيۡرٞ وَأَبۡقَىٰٓ ۝١٧

ndonëse jeta tjetër është më e mirë dhe e amshuar.

إِنَّ هَٰذَا لَفِي ٱلصُّحُفِ ٱلۡأُولَىٰ ۝١٨

Kjo, me të vërtetë, ndodhet në Fletët e lashta,

صُحُفِ إِبۡرَٰهِيمَ وَمُوسَىٰ ۝١٩

në Fletët e Ibrahimit dhe Musait.