Əla surəsi

سَبِّحِ ٱسۡمَ رَبِّكَ ٱلۡأَعۡلَى ۝١

Ən Uca Rəbbinin adını təsbih et!

ٱلَّذِي خَلَقَ فَسَوَّىٰ ۝٢

O Rəbbin ki, (hər şeyi) yaratdı və kamilləşdirdi.

وَٱلَّذِي قَدَّرَ فَهَدَىٰ ۝٣

O Rəbbin ki, (hər şeyin müqəddəratını əzəldən) müəyyən etdi və yol göstərdi.

وَٱلَّذِيٓ أَخۡرَجَ ٱلۡمَرۡعَىٰ ۝٤

O Rəbbin ki, otlağı çıxartdı.

فَجَعَلَهُۥ غُثَآءً أَحۡوَىٰ ۝٥

Sonra da onu (çürüyüb) qaralmış samana çevirdi.

سَنُقۡرِئُكَ فَلَا تَنسَىٰٓ ۝٦

(Ey Peyğəmbər!) Biz sənə (Quranı) oxudacağıq və sən (onu) unutmayacaqsan.

إِلَّا مَا شَآءَ ٱللَّهُۚ إِنَّهُۥ يَعۡلَمُ ٱلۡجَهۡرَ وَمَا يَخۡفَىٰ ۝٧

Yalnız Allahın istədiyindən başqa. Şübhəsiz ki, O, aşkarı da, gizlini də bilir.

وَنُيَسِّرُكَ لِلۡيُسۡرَىٰ ۝٨

Biz səni ən asan olana (Cənnətə aparan əməllərə) müvəffəq edəcəyik.

فَذَكِّرۡ إِن نَّفَعَتِ ٱلذِّكۡرَىٰ ۝٩

(Ey Peyğəmbər!) Xatırlatmaq fayda versə, xatırlat!

سَيَذَّكَّرُ مَن يَخۡشَىٰ ۝١٠

(Allahdan) qorxan öyüd-nəsihət götürəcəkdir.

وَيَتَجَنَّبُهَا ٱلۡأَشۡقَى ۝١١

Ən bədbəxt (kafir kimsə) isə ondan (öyüd-nəsihətdən) qaçacaqdır.

ٱلَّذِي يَصۡلَى ٱلنَّارَ ٱلۡكُبۡرَىٰ ۝١٢

O kimsə ki, ən böyük alova (Cəhənnəm alovuna) atılacaqdır.

ثُمَّ لَا يَمُوتُ فِيهَا وَلَا يَحۡيَىٰ ۝١٣

Sonra orada nə öləcək, nə də yaşaya biləcək.

قَدۡ أَفۡلَحَ مَن تَزَكَّىٰ ۝١٤

(Günahlardan) təmizlənən kimsə isə uğur qazanmışdır.

وَذَكَرَ ٱسۡمَ رَبِّهِۦ فَصَلَّىٰ ۝١٥

O kimsə ki, Rəbbinin adını xatırlayıb namaz qılmışdır.

بَلۡ تُؤۡثِرُونَ ٱلۡحَيَوٰةَ ٱلدُّنۡيَا ۝١٦

Xeyr, siz dünya həyatını üstün tutursunuz.

وَٱلۡأٓخِرَةُ خَيۡرٞ وَأَبۡقَىٰٓ ۝١٧

Axirət isə daha xeyirli və daha davamlıdır.

إِنَّ هَٰذَا لَفِي ٱلصُّحُفِ ٱلۡأُولَىٰ ۝١٨

Həqiqətən də, bu (anlatılanlar), əvvəlki səhifələrdə də vardır –

صُحُفِ إِبۡرَٰهِيمَ وَمُوسَىٰ ۝١٩

İbrahimin və Musanın səhifələrində.