Surja El-En'am 6:148 الأنعام

Idhujtarët justifikohen me Dëshirën dhe me Caktimin e Allahut, për të treguar vërtetësinë e idhujtarisë së tyre. Ata thonë: “Po të kishte dashur Allahu që të mos i bënim Atij shirk, as ne e as baballarët tanë, nuk do t’i kishim bërë dot. Po të donte Ai që ne të mos i quanim haram ato gjëra, ne nuk do t’i bënim dot.” Po me këto arsyetime të dobëta u mohuan të dërguarit e mëparshëm: “Po të kishte dashur Allahu që të mos i kishim mohuar ata (të dërguarit), ne nuk i kishim mohuar”. Dhe kështu vazhduan në mohim, derisa shijuan dënimin Tonë, të cilin e zbritëm mbi ta. Thuaju, o i Dërguar, idhujtarëve të tillë: “A mos keni ndonjë argument që vërteton se Allahu është i kënaqur me ju, që ju t’i bëni Atij shirk e ta konsideroni hallall atë që Ai e ka bërë haram apo ta konsideroni haram atë që Ai e ka bërë hallall?! Fakti pse ju e bëni një gjë të tillë nuk tregon se Ai është i kënaqur me ju. Në fakt, ju ndiqni për këtë vetëm se hamendjen, por hamendja nuk i bën asnjë dobi të Vërtetës, prandaj ju jeni duke gënjyer.”