Surja El-Enbija 21:87 الأنبياء

Përkujtoje, o i Dërguar, edhe historinë e atij që ishte në barkun e peshkut – Junusit, kur ai u largua nga populli i vet, para se Zoti t’i jepte leje për këtë. Ishte i zemëruar me ta, për shkak të gjynaheve e mospërfilljes që ata treguan ndaj mesazhit që u kishte sjellë. Dhe mendoi se nuk do ta ndëshkonim për largimin e tij (nga përgjegjësia). Por ai u sprovua rëndë, duke mbetur i burgosur në ngushticën e barkut të një peshku që e kishte gëlltitur. Aty ai e luti Allahun nga mesi i tri errësirave: errësirës së barkut të peshkut, errësirës së thellësisë së detit dhe errësirës së natës. Duke e pranuar gjynahun e tij, ai iu drejtua Allahut i penduar: “Nuk ka zot tjetër që e meriton adhurimin përveç Teje, Ti je i Pastri dhe i Shenjti, kurse unë isha keqbërës!”