Surja El-Bekare 2:26 البقرة

Allahu i Lartësuar nuk e ka për turp që të sjellë si shembull çfarëdo gjëje që Ai dëshiron, qoftë edhe një mushkonjë, apo diçka edhe më të madhe a më të vogël se ajo. Lidhur me këtë shembull, njerëzit ndahen në dy kategori: në besimtarë dhe në jobesimtarë. Sa u përket besimtarëve, ata e dinë dhe janë të bindur se prapa këtij shembulli ka një urtësi; ndërsa jobesimtarët do të pyesin me përqeshje se, përse Allahu sjell si shembuj krijesa kaq të neveritshme, si mushkonja, miza, merimanga etj. Megjithatë, Allahu u përgjigjet se këto shëmbëlltyra vijnë si udhëzime dhe provë për njerëzit. Nëpërmjet tyre, Allahu i lë disa njerëz në humbje, sepse refuzojnë të meditojnë për to e të tillë janë shumë; por ka edhe prej tyre që Allahu i udhëzon me to, sepse ata nxjerrin mësime prej tyre dhe të këtillë ka shumë. Megjithatë, Allahu nuk lë në humbje veçse ata që e meritojnë humbjen e që nuk i binden Atij, siç janë hipokritët.