Surja El-Bekare 2:61 البقرة

Kujtoni edhe se si ju u treguat mosmirënjohës për mirësinë e Allahut ndaj jush dhe e shpërfillët ushqimin që Allahu zbriti për ju, menna (lloj ushqimi i ëmbël) dhe selua (shkurtëza –lloj shpendi), dhe thatë: “Nuk mund të durojmë më me një ushqim të vetëm, që nuk ndryshon shije.” Ju kërkuat prej Musait që t’i lutej Allahut që të nxirrte për ju nga produktet e Tokës, si zarzavatet dhe perimet, trangujt, si dhe prej agrumeve, thjerrëzave dhe qepëve, si ushqim. Musai ju tha: “Sa e çuditshme është kjo kërkesa juaj, që të zëvendësoni menna-n dhe selua-n, që janë më të mira dhe më të denja për ju, me ato që kërkoni të cilat janë më të pavlera dhe më të ulëta! Aq më tepër që ai ushqim ju vinte pa asnjë mundim a lodhje nga ana juaj! Atëherë, përhapuni në Tokë kudo që dëshironi, në të mbjellat dhe tregjet e saj do të gjeni atë që kërkoni.” Për shkak të ndjekjes së qejfeve, si dhe pakënaqësisë së vazhdueshme ndaj asaj që Allahu zgjidhte për ta, ata u përfshinë nga poshtërimi, varfëria dhe mjerimi, si dhe merituan zemërimin e Allahut. Kjo erdhi për shkak të refuzimit që ata i bënë fesë së Tij, duke mohuar Argumentet dhe duke vrarë profetët e Tij mizorisht dhe armiqësisht. Gjithë kjo ndodhi për shkak se ata kundërshtonin Allahun dhe i kalonin kufijtë e Tij.