Surja El-Infitar

إِذَا ٱلسَّمَآءُ ٱنفَطَرَتۡ ۝١

Kur qielli të çahet

وَإِذَا ٱلۡكَوَاكِبُ ٱنتَثَرَتۡ ۝٢

dhe yjet të derdhen;

وَإِذَا ٱلۡبِحَارُ فُجِّرَتۡ ۝٣

kur detet të përzihen

وَإِذَا ٱلۡقُبُورُ بُعۡثِرَتۡ ۝٤

dhe varret të rrotullohen,

عَلِمَتۡ نَفۡسٞ مَّا قَدَّمَتۡ وَأَخَّرَتۡ ۝٥

atëherë çdokush do të mësojë për veprat që ka bërë dhe që ka lënë pa bërë.

يَٰٓأَيُّهَا ٱلۡإِنسَٰنُ مَا غَرَّكَ بِرَبِّكَ ٱلۡكَرِيمِ ۝٦

O njeri, ç’të mashtroi ty që nuk i besove Zotit tënd bujar,

ٱلَّذِي خَلَقَكَ فَسَوَّىٰكَ فَعَدَلَكَ ۝٧

i Cili të krijoi ty, të dha përmasa të rregullta dhe të harmonizoi

فِيٓ أَيِّ صُورَةٖ مَّا شَآءَ رَكَّبَكَ ۝٨

dhe, që të ka mbrujtur në çfarëdo forme që ka dashur?!

كـَلَّا بَلۡ تُكَذِّبُونَ بِٱلدِّينِ ۝٩

Por jo! Ju e quani të gënjeshtërt Gjykimin (pas ringjalljes),

وَإِنَّ عَلَيۡكُمۡ لَحَٰفِظِينَ ۝١٠

ndonëse mbi ju ka rojtarë (që ju vëzhgojnë),

كِرَامٗا كَٰتِبِينَ ۝١١

shënues të nderuar,

يَعۡلَمُونَ مَا تَفۡعَلُونَ ۝١٢

që dinë gjithçka që bëni.

إِنَّ ٱلۡأَبۡرَارَ لَفِي نَعِيمٖ ۝١٣

Vërtet, punëdrejtët do të jenë në Xhenet,

وَإِنَّ ٱلۡفُجَّارَ لَفِي جَحِيمٖ ۝١٤

kurse fajtorët, me siguri, do të jenë në Zjarrin flakërues,

يَصۡلَوۡنَهَا يَوۡمَ ٱلدِّينِ ۝١٥

në të cilin do të digjen në Ditën e Gjykimit,

وَمَا هُمۡ عَنۡهَا بِغَآئِبِينَ ۝١٦

pa mundur t’i shmangen atij.

وَمَآ أَدۡرَىٰكَ مَا يَوۡمُ ٱلدِّينِ ۝١٧

E kush do të ta shpjegojë ty se ç’është Dita e Gjykimit?

ثُمَّ مَآ أَدۡرَىٰكَ مَا يَوۡمُ ٱلدِّينِ ۝١٨

Edhe njëherë: Kush do të ta shpjegojë ty se ç’është Dita e Gjykimit?

يَوۡمَ لَا تَمۡلِكُ نَفۡسٞ لِّنَفۡسٖ شَيۡـٔٗاۖ وَٱلۡأَمۡرُ يَوۡمَئِذٖ لِّلَّهِ ۝١٩

Ajo është Dita, kur askush nuk do të ketë fuqi për të bërë gjë për ndonjë tjetër dhe, kur pushteti do të jetë vetëm i Allahut.