İnfitar surəsi

إِذَا ٱلسَّمَآءُ ٱنفَطَرَتۡ ۝١

Göy parçalanacağı zaman;

وَإِذَا ٱلۡكَوَاكِبُ ٱنتَثَرَتۡ ۝٢

ulduzlar səpələnəcəyi zaman;

وَإِذَا ٱلۡبِحَارُ فُجِّرَتۡ ۝٣

dənizlər daşıb bir-birinə qarışacağı zaman;

وَإِذَا ٱلۡقُبُورُ بُعۡثِرَتۡ ۝٤

qəbirlər çevriləcəyi zaman;

عَلِمَتۡ نَفۡسٞ مَّا قَدَّمَتۡ وَأَخَّرَتۡ ۝٥

hər kəs əvvəlcədən (özü üçün) nəyi tədarük edib, nəyi sonraya saxladığını biləcəkdir.

يَٰٓأَيُّهَا ٱلۡإِنسَٰنُ مَا غَرَّكَ بِرَبِّكَ ٱلۡكَرِيمِ ۝٦

Ey insan! Kərim olan Rəbbinə qarşı səni aldadan nədir?

ٱلَّذِي خَلَقَكَ فَسَوَّىٰكَ فَعَدَلَكَ ۝٧

O Rəbbin ki, səni yaradıb kamilləşdirdi və sənə gözəl bir surət verdi.

فِيٓ أَيِّ صُورَةٖ مَّا شَآءَ رَكَّبَكَ ۝٨

Səni istədiyi şəklə saldı.

كـَلَّا بَلۡ تُكَذِّبُونَ بِٱلدِّينِ ۝٩

Xeyr! Əksinə, siz (Qiyaməti) yalan hesab edirsiniz!

وَإِنَّ عَلَيۡكُمۡ لَحَٰفِظِينَ ۝١٠

Sizin üzərinizdə nəzarətçilər vardır.

كِرَامٗا كَٰتِبِينَ ۝١١

Hörmətli (əməllərinizi) yazan mələklər.

يَعۡلَمُونَ مَا تَفۡعَلُونَ ۝١٢

Onlar sizin nə etdiklərinizi bilirlər.

إِنَّ ٱلۡأَبۡرَارَ لَفِي نَعِيمٖ ۝١٣

Həqiqətən, yaxşılar nemət içində olacaqlar.

وَإِنَّ ٱلۡفُجَّارَ لَفِي جَحِيمٖ ۝١٤

Günahkarlar isə Cəhənnəmdə olacaqlar.

يَصۡلَوۡنَهَا يَوۡمَ ٱلدِّينِ ۝١٥

Onlar ora Din (hesab) günü girəcəklər.

وَمَا هُمۡ عَنۡهَا بِغَآئِبِينَ ۝١٦

Onlar oradan çıxa bilməyəcəklər.

وَمَآ أَدۡرَىٰكَ مَا يَوۡمُ ٱلدِّينِ ۝١٧

(Ey Peyğəmbər!) Sən nə biləydin ki, Din günü nədir?

ثُمَّ مَآ أَدۡرَىٰكَ مَا يَوۡمُ ٱلدِّينِ ۝١٨

Sonra sən nə biləydin ki, Din günü nədir?

يَوۡمَ لَا تَمۡلِكُ نَفۡسٞ لِّنَفۡسٖ شَيۡـٔٗاۖ وَٱلۡأَمۡرُ يَوۡمَئِذٖ لِّلَّهِ ۝١٩

O gün heç kəs heç kəsə heç bir fayda verə bilməz. O gün hökm yalnız Allaha məxsus olacaqdır!