Surja El-Kehf 18:19 الكهف

Ashtu siç realizuam me ta ato që i përmendëm, pra, për çuditë e Fuqisë Tonë, ashtu edhe i zgjuam përsëri, pas një periudhe të gjatë kohe, të pyesnin njëri-tjetrin se sa kohë mund të kishin qëndruar të fjetur. Disa prej tyre thanë: “Mund të kemi fjetur një ditë, ose një pjesë të ditës.” Mirëpo, disa të tjerë, që nuk iu dilnin llogaritë e kohës e nuk po e kuptonin se sa kohë kishin qëndruar të fjetur, thanë: - “Zoti juaj e di më mirë se sa kohë keni qëndruar të fjetur, kështu që (lërini mospajtimet mes jush dhe) lërjani Atij dijen për këtë dhe angazhohuni rreth asaj që ju nevojitet. Prandaj, zgjidhni dikë prej jush dhe, me monedhat e argjendit që keni, dërgojeni për tek qyteti ynë, (siç bënim) në mënyrë të zakonshme dhe le të interesohet se kush e ka ushqimin më të mirë dhe fitimin më të pastër (hallall) e të na sjellë diçka prej tij. Por, është shumë e rëndësishme qe ai të tregohet i kujdesshëm gjatë hyrjes, gjatë daljes dhe gjatë marrëdhënies së tij, duke treguar takt, që askush të mos e kuptojë vendqëndrimin tuaj, për shkak të së keqes së madhe që mund të ndodhë.