Surja El-Kehf 18:82 الكهف

Ndërsa për sa i përket murit, të cilin e rregullova dhe ti nuk deshe që unë ta bëja këtë pa kërkuar prej tyre ndonjë shpërblim, ai i përkiste dy fëmijëve të vegjël në atë fshat që shkuam (e s’na pranuan), babai i të cilëve kishte vdekur duke i lënë ata jetimë dhe se poshtë atij muri ai u pati fshehur atyre pasuri. Vërtet që babai i këtyre dy fëmijëve ishte besimtar i devotshëm, prandaj edhe Zoti yt, o Musa, (ia ruajti pasurinë atij për fëmijët edhe pas vdekjes për shkak të devotshmërisë dhe) dëshiroi që ata të arrinin moshën e pjekurisë e të rriteshin, për të qenë të aftë ta nxirrnin vetë pasurinë e fshehur për ta poshtë tij. Nëse do të kishte rënë ai mur që tani, do të zbulohej pasuria e tyre e do binte në dorë të njerëzve që do t’ua rrëmbenin, por kjo që bëri Zoti yt ishte mëshirë për ta. Të gjitha këto që unë bëra nuk ishin prej aftësisë time për t’i ditur këto (por prej asaj që më ka mësuar dhe urdhëruar Allahu). Ky, pra, është shpjegimi i asaj për të cilën ti nuk u tregove i duruar.