Surja En-Nahl 16:75 النحل

Allahu i Lartësuar po ju sjell si kundërpërgjigje ndaj idhujtarëve një shembull: Një skllav që është nën zotërim, i paaftë të marrë vendime (pasi edhe vetë është i zotëruar) e që nuk ka asgjë për të dhënë, dhe një të lirë, të cilit i kemi dhuruar prej kësaj bote pasuri të ndershme (hallall), që mund të veprojë me të si të dëshirojë e që mund të japë prej saj sa të dojë, qoftë në fshehtësi e qoftë në publik. Nëse këta dy persona nuk janë të barabartë, atëherë si mundet që Allahun, i Cili është Zotëruesi dhe Vendimmarrësi në Pushtetin e Vet si të dëshirojë, ta barazoni me idhujt tuaj të paaftë?! Lavdërimi i qoftë Allahut, i Cili është i Vetmi që e meriton të lavdërohet, mirëpo shumica e njerëzve nuk e dinë se Allahu është i Vetmi Zot, si dhe i Vetmi që e meriton të adhurohet.