Surja En-Nur 24:61 النور

Nuk është gjynah as për të verbrin, i cili e ka humbur shikim e as për atë që është i çalë a i sëmurë, që t’i lënë detyrimet të cilat nuk kanë mundësi t’i bëjnë, siç është dalja në luftë. Po ashtu, nuk është gjynah që ju, o besimtarë, të hani nga ushqimet që gjenden në shtëpitë tuaja apo në shtëpitë e bijve, të prindërve, të vëllezërve, të motrave, të xhaxhallarëve, të hallave, të dajallarëve e të tezeve tuaja. Apo në ato shtëpi që ju janë lënë nën kujdestari për t’i ruajtur, siç mund të jetë një roje e ndonjë kopshti. Nuk është gjynah për ju që të hani edhe në shtëpinë e shokëve tuaj, për shkak të dashamirësisë që ekziston zakonisht mes jush. Nuk është gjynah për ju që ju të hani të gjithë së bashku apo të veçuar. Vetëm se kur të hyni në ndonjë prej shtëpive që u përmendën apo në çdo shtëpi tjetër, jepuni selam banorëve që janë në të duke thënë: “Esselamu alejkum!”- (Paqja qoftë me ju!). Nëse në to nuk gjendjet askush, atëherë jepini selam vetes suaj, duke thënë: “Esselamu alejna ue ala ibadil’lahis-Salihijn” – (Paqja qoftë mbi ne dhe mbi të gjithë robërit e përkushtuar të Allahut!). Kjo është një përshëndetje e ligjëruar nga Allahu, si bekim për ju. Ajo përhap dashuri e përzemërsi mes jush, është përshëndetje e mirë dhe përçon mirësi në zemrën e atij që e dëgjon. Si ky sqarim që është parashtruar në këtë sure, Allahu sqaron shpalljet në tërësi, me shpresë që ju t’i kuptoni e t’i zbatoni mësimet e tyre.