Surja Ez-Zumer 39:7 الزمر

Nëse ju (o njerëz) e mohoni Zotin tuaj, atëherë dijeni se Allahu nuk ka nevojë për besimin tuaj dhe mohimi juaj nuk e dëmton Atë aspak. Përkundrazi, mohimi është vetëm në dëmin tuaj, pasi Ai nuk është i kënaqur kur robërit e Tij e mohojnë Atë. E nëse ju e falënderoni Atë për mirësitë që ju ka mundësuar dhe i besoni Atij, atëherë Ai është i kënaqur me mirënjohjen tuaj dhe ka për t’ju shpërblyer. Dijeni se asnjë gjynahqar nuk ka për t’i bartur gjynahet e ndonjë gjynahqari tjetër. Përkundrazi, çdo njeriu do t’i regjistrohet ajo që ka bërë dhe pastaj të gjithë do të ktheheni tek Zoti juaj në Ditën e Gjykimit për të dhënë llogari për gjithçka që keni bërë. Atë Ditë Ai ka për t’ju treguar se çfarë keni bërë në jetën e dynjasë, duke ju ndëshkuar apo shpërblyer sipas Drejtësisë apo Mëshirës së Tij. Madje, Ai është i Gjithëdijshëm edhe për atë që fshehin zemrat e robërve të Vet, se Atij nuk i fshihet asgjë.