Surja Jusuf 12:76 يوسف

Kështu ata u kthyen tek Jusufi, që t’u kontrollonte ngarkesat. Ai filloi me kontrollimin e ngarkesave të vëllezërve të vet jo të lindjes, para se të kontrollonte ngarkesën e vëllait të vet të lindjes, në mënyrë që të fshihte planin e tij. Në fund kontrolloi ngarkesën e vëllait të vet të lindjes, duke nxjerrë kupën e mbretit prej saj. Ashtu siç Ne planifikuam për Jusufin, duke e drejtuar atë që të vendoste kupën në ngarkesën e vëllait të vet, ashtu planifikuam për të edhe një çështje tjetër: që të mbante vëllain e vet sipas ndëshkimit të ligjit nga vendi i tij, me pengmbajtjen e vjedhësit. Kjo nuk do të ishte realizuar nëse do të zbatohej ndëshkimi i ligjit të mbretit ndaj vjedhësit, i cili ishte me rrahje dhe gjobë për të, përveç nëse Allahu do dëshironte ndryshe, e për këtë Ai është i Plotfuqishëm. Kështu ua ngremë pozitat edhe atyre që dëshirojmë prej robve Tanë, ashtu siç ia ngritëm pozitën Jusufit. Mbi çdo njeri të ditur është dikush që është edhe më i ditur se ai dhe mbi dijen e të gjithëve është Dija e Allahut, i Cili di çdo gjë.