Surja El-Ahzab 33:60 الأحزاب

Nëse hipokritët në Medinë nuk reshtin prej intrigave, fjalëve e qëllimeve dashakeqe kundër Pejgamberit, sahabëve dhe besimtarëve të sinqertë që ndjekin shembullin dhe urdhrin e tij; dhe nëse njerëzit me zemra të sëmura nuk reshtin së ndjekuri të keqen e hipokritëve e duke u shërbyer qëllimeve të tyre dashakeqe; si dhe nëse manipulatorët mashtrues që përhapin lajme të rreme e shpifje kundër Pejgamberit, sahabëve dhe besimtarëve të sinqertë për të prishur imazhin e tyre dhe për të fituar kënaqësinë e hipokritëve, atëherë, o i Dërguar, Ne kemi për të të urdhëruar që të merresh seriozisht me ta. Pas kësaj ata nuk do pranonin të qëndronin afër teje në Medinë, vetëm se për pak kohë, pasi ata do të kishin ikur të gjithë prej frikës së drejtësisë tënde; e deri atëherë as mos ua vër veshin e as mos i merr në konsideratë veprimet e tyre, pasi më vonë do ta kuptojnë.