Surja El-En'am 6:128 الأنعام

Përkujto, o i Dërguar, Ditën kur do t’i bashkojë Allahu të dyja bashkësitë, njerëzit dhe xhindet, e do t’u thotë: “O bashkësi e xhindeve! Vërtet që ju e keni devijuar shumicën e njerëzve dhe i keni penguar prej Rrugës së Allahut!” Aty do thonë ndjekësit e tyre nga mesi i njerëzve, duke iu përgjigjur Zotit të tyre: “O Zoti ynë, secila palë prej nesh ka përfituar prej palës tjetër. Xhindet përfituan nga nderimi i njerëzive për ata dhe njerëzit përfituan duke plotësuar dëshirat nëpërmjet xhindeve. Kështu vazhduam, derisa arritëm afatin e fundit që Ti kishe caktuar për ne e që është Dita e Gjykimit.” Atëherë, Allahu thotë: “Zjarri do të jetë vendqëndrimi juaj, ku do të jeni përgjithmonë, përveç kohës që dëshiron Allahu”. Ajo është koha e caktuar nga çasti i ringjalljes e derisa të hyjnë në Xhehenem, pasi kjo periudhë është përjashtuar prej Allahut nga përjetësia e tyre në Zjarr. Zoti yt, o i Dërguar, është i Urtë në atë që Ai cakton dhe rregullon. Ai është i Gjithëdijshëm rreth robërve të Vet, si dhe kush e meriton këtë dënim.