Surja El-A'raf 7:157 الأعراف

Si edhe për ata që e ndjekin Muhamedin صلى الله عليه وسلم, Profetin që nuk shkruan e nuk lexon, por që flet vetëm atë që i shpall Zoti i tij. Ata i gjejnë emrin, cilësitë dhe profetësinë tij të shkruara në Teuratin, që iu zbrit Musait عليه السلام dhe Ungjillin, që iu zbrit Isait عليه السلام. Ai (Muhamedi) i urdhëron ata që të kryejnë vepra, të cilat mendja e shëndoshë dhe natyra e pastër njerëzore i njeh për të mira e të dobishme; sikundër i ndalon ata që të bëjnë gjëra që njihen për të shëmtuara e të dëmshme. E po ashtu, ai u lejon gjërat e kënaqshme e të padëmshme prej ushqimeve, pijeve dhe martesës dhe ndalon vetëm çfarë është e ndyrë prej tyre. Nga ana tjetër, ai heq prej tyre barrën e disa dispozitave të rënda, me të cilën qenë ngarkuar më parë, si: detyrimi i ekzekutimit të vrasësit edhe sikur vrasja të ishte gabimisht. Prandaj ata që do t’i besojnë atij, qoftë nga bijtë e Izraelit dhe kushdo tjetër përveç tyre, që e madhërojnë me nderime dhe e mbështesin me vlerësime, që e ndihmojnë atë kundër jobesimtarëve që i shpallin armiqësi, si dhe ndjekin Kuranin, i cili iu zbrit atij si një dritë udhëzuese, pra, të tillë njerëz janë të shpëtuarit, të cilët do ta arrijnë atë që synojnë dhe do të shpëtojnë prej asaj që frikësohen.”