Surja El-Bekare 2:220 البقرة

Allahu i vendosi këto ligje për ju, që të mendoheni rreth asaj që ju bën mirë juve në këtë botë dhe në Botën Tjetër. Besimtarët të pyesin edhe se çfarë detyrash dhe përgjegjësish kanë për jetimët, si dhe a u lejohet që ta bashkojnë pasurinë e vet me të tyren në shpenzimet për ushqimet dhe banesën? Thuaju atyre se dhënia përparësi jetimëve, duke mos marrë asgjë në këmbim e as duke e përzier pasurinë tuaj me pasurinë e tyre është më e mirë për ju tek Allahu dhe ka shpërblim më të madh, sepse kjo është në dobi të pasurisë së tyre, duke bërë që pasuria e tyre të ruhet vetëm për ta. Megjithatë, nëse ju e bashkoni pasurinë tuaj me pasurinë e tyre për të jetuar dhe banuar etj., atëherë nuk ka ndonjë problem, pasi ata janë vëllezërit tuaj në fe e vëllezërit e ndihmojnë njëri-tjetrin dhe i shërbejnë njëri-tjetrit për nevojat e tyre. Allahu e di se cilët janë ata kujdestarë që dëshirojnë dëmtimin e pasurisë së jetimëve, si dhe kush janë ata që duan ta përmirësojnë. Po të donte Allahu që t’jua vështirësonte përgjegjësinë në lidhje me çështjen e jetimëve, do ta bënte, por Ai – qoftë i Lartësuar – e ka lehtësuar marrëdhënien me ta, sepse ligjet e Tij kanë në themel lehtësimin. Allahu është i Plotfuqishëm për gjithçka. Ai është i Urtë në krijim, në drejtim dhe në ligjbërje.