Surja El-Bekare 2:253 البقرة

Nga të dërguarit që të kemi përmendur, disa i vlerësuam më shumë se të tjerët në punë të Shpalljes, të pasimit a të gradave. Disave Allahu u foli, siç ishte Musai عليه السلام; disa Allahu i ngriti në grada të larta, siç ishte Muhamedi صلى الله عليه وسلم, duke e dërguar për mbarë njerëzimin, duke mbyllur me të Shpalljen dhe duke e vlerësuar ymetin e tij mbi ymetet e tjerë. Ndërsa Isait, birit të Merjemes, i dhamë mrekulli të qarta, që vërtetonin profetësinë e tij, si; ringjallja e të vdekurve, shërimi i të verbërve të lindur dhe i të sëmurëve me lebër. Ne e mbështetëm atë nëpërmjet Xhebrailit عليه السلام, si një përforcim për të, në mënyrë që të zbatonte urdhrat Tanë. Po të dëshironte Allahu, nuk do të ishin vrarë me njëri-tjetrin brezat që erdhën pas të Dërguarve, pasi atyre u kishin ardhur Argumente të qarta. Megjithatë, ata u konfliktuan dhe u përçanë: disa prej tyre i besuan Allahut e disa u bënë jobesimtarë. Po të dëshironte Allahu që ata të mos vriteshin, nuk do të ishin vrarë me njëri-tjetrin, por Allahu bën çfarë të dëshirojë. Ai udhëzon kë të dojë për në iman, me Mëshirën dhe Mirësinë e Vet dhe e lë në humbje kë të dojë, me Drejtësinë dhe Urtësinë e Vet.